एक्स्प्लोर
'ही' अभिनेत्री डॉ. बाबासाहेब आंबेडकर या मालिकेत रमाबाईंची भूमिका साकारणार
डॉ. बाबासाहेब आंबेडकर यांच्या जीवनावर आधारित मालिका टीव्हीवर सुरु झाली आहे. या मालिकेत अभिनेता सागर देशमुख बाबासाहेबांची भूमिका साकारतोय.
मुंबई : डॉ. बाबासाहेब आंबेडकर यांच्या जीवनावर आधारित मालिका टीव्हीवर सुरु झाली आहे. या मालिकेत अभिनेता सागर देशमुख बाबासाहेबांची भूमिका साकारतोय. या मालिकेत बाबासाहेबांच्या पाठीशी सावलीप्रमाणे उभ्या राहणाऱ्या त्यांच्या पत्नी रमाबाईंची भूमिका कोण साकारणार याची सर्वांना उस्तुकता आहे. याचे उत्तर आता मिळाले आहे. अभिनेत्री शिवानी रांगोळे ही भूमिका साकारणार आहे. शिवानीने इन्स्टाग्रामवर त्यासंबधीची पोस्ट लिहून माहिती दिली आहे. शिवानीने तिच्या पोस्टमध्ये म्हटले आहे की, "एका सशक्त ऐतिहासिक पात्राची भूमिका साकरणे माझे स्वप्न होते. माझं स्वप्न आता पूर्ण झालं आहे. मी 'डॉ. बाबासाहेब आंबेडकर महानानवाची गौरवगाथा' या मालिकेत रमाबाई आंबेडकरांची भूमिका साकारत आहे. या प्रवासाचा मी भाग असणार आहे, त्यामुळे मला खूप अभिमान वाटतो. रमाबाई आंबेडकरांकडून शिकण्यासारखं खूप काही आहे." शिवानीला याआधी आपण अनेकदा ग्लॅमरस रुपात पाहिले आहे. ती आता पहिल्यांदाच ऐतिहासिक भूमिका करणार आहे. त्यामुळे ती खूप उस्तुक आहे. काही दिवसांपूर्वी या मालिकेचे शीर्षकगीत आपल्या समोर आले आहे. आदर्श आणि उत्कर्ष शिंदे यांच्या लेखणीतून हे गाणे तयार झाले आहे. आदर्श शिंदेच्या दमदार आवाजातलं हे गाणं लोकांच्या पसंतीस उतरलं आहे. लहानपणापासूनच बाबासाहेबांच्या विचाराने प्रभावित झालेल्या या दोन्ही भावांकडे जेव्हा 'डॉ. बाबासाहेब आंबेडकर' या मालिकेच्या शीर्षकगीतासाठी विचारणा झाली तेव्हा दोघांनीही या गाण्यासाठी स्वत:ला झोकून दिलं. महामानवाचे विचार शीर्षकगीतातून प्रेक्षकांपर्यंत पोहोचवणं आव्हानात्मक होतं. आदर्श आणि उत्कर्षने या गाण्यावर बराच अभ्यास आणि वाचन करुन शब्द लिहिले. मालिकेचं टायटल ट्रॅक लिहिण्याची दोघांचीही ही पहिलीच वेळ आहे. शिवानी रांगोळे
महत्त्वाच्या बातम्या
टेलिव्हिजन
झी मराठी अवॉर्ड्स 2026, मालिकांमध्ये आव्हानांची चुरस, नात्यांची साथ आणि मनोरंजनाचा जल्लोष; कोण मारणार बाजी?
टेलिव्हिजन
'मेरी आँखों में झाँको!', 'महाराष्ट्राची हास्यजत्रा'मधल्या लॉलीची धकधक गर्लला भूरळ; 'कोण होणार करोडपती'च्या मंचावर हुबेहुब नक्कल
टेलिव्हिजन
झी मराठी अवॉर्ड्स 2026 चा नामांकन सोहळा दणक्यात पार! मराठी कलाकारांचा जल्लोष; धमाल अन् मनोरंजन
टेलिव्हिजन
'हिच्याकडे मी नोकरी करायला तयार...'; पूजा बिरारीचा बँक बॅलेन्स बघून पती सोहम बांदेकर असं का म्हणाला?
