Aai Tulja Bhawani : आई तुळजाभवानी करणार शक्तींचा त्याग! भक्तांच्या रक्षणासाठी घेतला मोठा निर्णय

Aai Tulja Bhawani : आता पुढे देवीला कोणत्या नवीन आव्हानांना सामोरं जावं लागेल हे पाहाण्यासाठी 'आई तुळजा भवानी' मालिका नक्की बघा.

Aai Tulja Bhawani

Source : ABP Majha

Aai Tulja Bhawani TV Serial : छोट्या पडद्यावर सध्या टीआरपीची जोरदार स्पर्धा सुरू आहे. प्रेक्षकांना आपल्याकडे खेचण्यासाठी चॅनेल्सकडून नव्या मालिका प्रेक्षकांच्या भेटीला आणल्या जात आहेत. यातच धार्मिक मालिकांचा ट्रेंड पाहायला मिळत आहे. कलर्स मराठीवरील 'आई तुळजा भवानी' ही मालिका फार कमी वेळातच प्रेक्षकांची लोकप्रिय मालिका बनली आहे. 'आई तुळजा भवानी' मालिका आता एका नवीन रोमांचक वळणावर येऊन पोहोचली आहे. आई तुळजा भवानी आणि विष्णुदेव यांच्यातील चर्चा नव्या वळणावर येणार आहे. 

आई तुळजाभवानी करणार शक्तींचा त्याग! 

देवीने पृथ्वीवर आपल्या भक्तांसाठी कायमचा निवास करण्याचा निर्णय घेतला होता. पण ब्रम्हदेव आणि विष्णुदेवांनी तिला तिच्या या निर्णयावर पुनर्विचार करण्यास भाग पाडलं. आता विष्णुदेवांनी तुळजाभवानी देवीला आव्हान दिलं की, तिने आपल्या सर्व शक्तींचा त्याग करून पृथ्वीवर सर्वसामान्य लोकांसोबत राहावं. देवीने हे आव्हान स्वीकारलं आणि आपल्या भक्तांसाठी सर्व शक्तींचा त्यागही केला. 

भक्तांच्या रक्षणासाठी घेतला मोठा निर्णय

छोट्या पडद्यावर  आध्यात्मिक – धार्मिक मालिका याआधी देखील प्रेक्षकांच्या भेटीला आलेल्या आहेत. टीआरपीच्या शर्यतीत पुन्हा आघाडीवर येण्यासाठी 'कलर्स मराठी'ने चांगलीच कंबर कसली आहे. कलर्स मराठी वाहिनीवर महाराष्ट्राची कुलस्वामिनी 'आई तुळजाभवानी' ही मालिका प्रेक्षकांच्या पसंतीस उतरताना दिसत आहे. भक्तांच्या रक्षणासाठी आता देवीनो शक्तीचा त्याग करत मोठा निर्णय घेतला आहे. आता पुढे देवीला कोणत्या नवीन आव्हानांना सामोरं जावं लागेल हे पाहाण्यासाठी नक्की बघा, 'आई तुळजा भवानी'.

 

 

 

 

 

View this post on Instagram

 

 

 

 

 

 

 

 

 

 

 

A post shared by Colors Marathi (@colorsmarathi)

 

अवघ्या महाराष्ट्राची कुलस्वामिनी 'आई तुळजाभवानी'ची गाथा या मालिकेच्या माध्यमातून उलगताना पाहायला मिळत आहे. 'आई तुळजाभवानी'ची भूमिका अभिनेत्री पूजा काळे साकारत आहे. पूजा काळे ही भरतनाट्यम नृत्यांगना असून तिने विशारद पूर्ण केलं आहे. तसेच कथ्थकचंही शिक्षण तिने घेतले आहे.

'आई तुळजाभवानी' मालिकेतील मुख्य भूमिकेबद्दल पूजा काळेने प्रतिक्रिया देताना सांगितलं होतं की, "आई तुळजाभवानी'ची भूमिका साकारताना आसपास खूप सकारात्मक ऊर्जा जाणवतेय. पहिली मालिका आणि आव्हानात्मक भूमिका साकारणं ही एक मोठी जबाबदारी आहे. प्रेक्षकांच्या विश्वासाला सार्थ उतरेन".

महत्त्वाच्या इतर बातम्या :