Aai Kuthe Kay Karte : अरुंधतीची नवी झेप, कॉलेजमध्ये जाऊन शिक्षण पूर्ण करण्याचा निर्धार!
Aai Kuthe Kay Karte : ‘आई कुठे करते’ (Aai Kuthe Kay Karte) या मालिकेत आता प्रेक्षकांना एक नवा ट्रॅक पाहायला मिळणार आहे. अरुंधती आता तिचं अर्धवट राहिलेलं शिक्षण पूर्ण करणार आहे.
Aai Kuthe Kay Karte : ‘आई कुठे करते’ (Aai Kuthe Kay Karte) या मालिकेत आता प्रेक्षकांना एक नवा ट्रॅक पाहायला मिळणार आहे. अरुंधती आता तिचं अर्धवट राहिलेलं शिक्षण पूर्ण करणार आहे. यासाठी ती लेक ईशाच्या कॉलेजमध्ये प्रवेश घेणार आहे. लवकरच प्रेक्षकांना मालिकेत ‘आई’चा नवा अवतार पाहायला मिळणार आहे. सध्या अरुंधती आशुतोषची देखभाल करण्यासाठी हॉस्पिटलमध्येच थांबली आहे. इथेच तिला आपलं आशुतोषवर प्रेम असल्याची देखील जाणीव झाली आहे.
आशुतोषनेच अरुंधतीला तिच्या आयुष्यात एक नवीन प्रवास सुरु करण्याची प्रेरणा दिली. ‘सुखाचे चांदणे’ गाण्यानंतर आता अरुंधतीकडे नव्या गाण्यांची रीघ लागली आहे. यातच एक आगामी गाणे गाणे अरुंधती आणि आशुतोष मिळून गाणार आहेत.
आशुतोषचा जबर अपघात
नव्या गाण्याची आनंदाची बातमी घेऊन घरी जात असताना आशुतोषच्या गाडीला मोठा अपघात होतो. आशुतोष आणि नितीन दोघे घरी परतत असताना, त्यांच्या गाडीसमोर अचानक एक वृद्ध व्यक्ती येते. त्या व्यक्तीला वाचवण्याच्या नादात नितीन गाडी पटकन बाजूला वळवण्याचा प्रयत्न करतो. मात्र, त्याचवेळी गाडी जोरात भिंतीवर जाऊन आदळते आणि दोघांचा भीषण अपघात होतो. या अपघातात नितीनला थोडाच मार लागतो. मात्र, आशुतोषला गंभीर दुखापत होते.
आशुतोषला रुग्णालयात पाहून अरुंधतीचा जीव कासावीस होतो. याचवेळी तिला आपल्या प्रेमाची जाणीव होते. तशी कबुलीही ती अनिरुद्धला देते. तर, तुला तुझं भविष्य आशुतोषसोबत दिसत असेल, तर त्याच्यासोबत राहा असं अनिरुद्ध अरुंधतीला सांगतो.
अरुंधती पूर्ण करणार शिक्षण!
आशुतोष बरा होऊन घरी परतल्यावर अरुंधती तिचं अर्धवट राहिलेलं शिक्षण पूर्ण करण्याचा निर्णय घेते. याचवेळी तिला ईशाचा फोन येतो. ईशा आईला मी तुझ्याकडे राहायला येऊ का? माझी परीक्षा सुरु होणार आहे, अभ्यास करायचाय, असं विचारते. यावर अरुंधती तिला नवीन वर्षाचे प्रवेश कधी सुरु होणार याबद्दल विचारते आणि आपणही आता कॉलेजला येणार असून, उरलेलं शिक्षण पूर्ण करणार असल्याचे ती ईशाला सांगते.
हेही वाचा :
महत्त्वाच्या बातम्या
