Tejasswi Prakash : ‘लग्न ठरलं की काय...’, करण कुंद्रा कुटुंबासह तेजस्वी प्रकाशच्या घरी!

Tejasswi Prakash, Karan Kundra : तेजस्वी प्रकाशच्या आई-वडिलांच्या लग्नाच्या वाढदिवसाला करण कुंद्रा त्याच्या आई-वडिलांसोबत उपस्थित होता. करण कुंद्राचा हा व्हिडीओ सोशल मीडियावर व्हायरल होत आहे.

karan-tejasswi_valentine

Tejasswi Prakash : ‘बिग बॉस 15’ फेम तेजस्वी प्रकाश (Tejasswi Prakash) आणि करण कुंद्रा (Karan Kundra) सर्वत्र चर्चेत आहेत. शोपासून हे लव्हबर्ड्स सर्वत्र एकत्र दिसत आहेत. तेजस्वी सध्या तिच्या ‘नागिन 6’ या शोमध्ये व्यस्त आहे. तर, करण देखील त्याच्या आगामी प्रोजेक्टमध्ये व्यस्त आहे, तरीही दोघेही एकमेकांसाठी वेळ काढतात. दोघांचेही फोटो आणि व्हिडीओ व्हायरल होत असतात. करणच्या कुटुंबालाही तेजस्वी खूप आवडते. ते तेजस्वीच्या कुटुंबीयांना देखील भेटता. नुकताच करण कुंद्रा आपल्या कुटुंबासह तेजस्वीच्या घरी गेला होता. ज्याचे फोटो सोशल मीडियावर व्हायरल होत आहेत. हे फोटो पाहून चाहते दोघांच्या लग्नाचा अंदाज बांधत आहेत.

तेजस्वी प्रकाशच्या आई-वडिलांच्या लग्नाच्या वाढदिवसाला करण कुंद्रा त्याच्या आई-वडिलांसोबत उपस्थित होता. करण कुंद्राचा हा व्हिडीओ सोशल मीडियावर व्हायरल होत आहे. ज्यामध्ये तो आपल्या आई-वडिलांसोबत तेजस्वीच्या घरी जाताना दिसत आहे.

पाहा व्हिडीओ :

करण कुंद्राचा त्याच्या आई-वडिलांसोबतचा व्हिडीओ सोशल मीडियावर व्हायरल होत असून, चाहते त्यावर प्रतिक्रियांचा पाऊस पडत आहेत. हा व्हिडीओ पाहून चाहते दोघांचे लग्न ठरले का? असा प्रश्न ते विचारत आहेत. एका चाहत्याने लिहिले की, ‘लग्न निश्चित झाले आहे का?’ दुसरीकडे, आणखी एका चाहत्याने लिहिले, ‘दोघांना एकत्र पाहून खूप बरे वाटते.’ त्याचवेळी एका चाहत्याने लिहिले की, ‘त्यांचा साखरपुडा झाला वाटतं...’

करण कुंद्राचे पालक नुकतेच त्यांच्या मुलासोबत स्पॉट झाले होते. पापाराझींशी झालेल्या संवादात करणच्या वडिलांनी सांगितले की, ‘तेजस्वी माझी मुलगी आहे आणि ती आमची लाडकी आहे. करण आणि तेजस्वीचा म्युझिक व्हिडीओ रिलीज झाला आहे. या व्हिडीओला चाहत्यांकडून भरभरून प्रेम मिळत आहे.’

वर्कफ्रंटबद्दल बोलायचे झाले तर, आजकाल तेजस्वी ‘नागिन 6’मध्ये मुख्य भूमिकेत दिसत आहे. दुसरीकडे, करण कुंद्रा एकता कपूरच्या ‘लॉक अप’ या रिअॅलिटी शोमध्ये जेलरच्या भूमिकेत दिसत आहे. या शोमध्ये करण कुंद्राला खूप पसंत केले जात आहे.

हेही वाचा :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha