Sushmita Sen : सुष्मिता सेनला हृदयविकाराचा झटका, अँजिओप्लास्टीही झाली, आता सुखरुप
Sushmita Sen Heart Attack : बॉलिवूड अभिनेत्री सुष्मिता सेनने हृदयविकाराचा झटका आल्याचा खुलासा केला आहे.
Sushmita Sen Heart Attack : बॉलिवूड अभिनेत्री सुष्मिता सेन (Sushmita Sen) नेहमीच वेगवेगळ्या कारणांनी चर्चेत असते. सुष्मिता आपलं वैयक्तिक आयुष्य नेहमीच तिच्या चाहत्यांबरोबर शेअर करत असते. नुकताच बॉलिवूड अभिनेत्री सुष्मिता सेनने हृदयविकाराचा झटका आल्याचा खुलासा केला आहे. यानंतर तिला अँजिओप्लास्टी करावी लागली असून आता तब्येत बरी असल्याचं तिने सांगितलं आहे. मिस युनिव्हर्स असलेल्या सुष्मिताने सोशल मीडियावरून आपल्या चाहत्यांना या बातमीची माहिती दिली आहे.
View this post on Instagram
इन्स्टाग्राम पोस्टमध्ये सुष्मिता काय म्हणाली...
47 वर्षीय सुष्मिता सेन हिने इन्स्टाग्रामवर आपल्या तब्येतिविषयी माहिती दिली. ही पोस्ट लिहिताना तिने आपल्या वडिलांबरोबरचा फोटो शेअर केला आहे. या पोस्टमध्ये सुष्मिताने म्हटलं आहे,' मला काही दिवसांपूर्वी हृदयविकाराचा झटका आला. अँजिओप्लास्टी करण्यात आली आणि स्टेंटही टाकण्यात आले. सर्वात महत्त्वाचं म्हणजे माझ्या डॉक्टरांनी 'माझं हृदय फार मोठं आहे' असं सांगितलं. तसेच, ज्या लोकांनी मला वेळेवर मदत केली त्या सगळ्यांचे मी आभार मानते. या सगळ्यात चांगली बातमी अशी आहे की, मी आता पूर्णपणे बरी आहे आणि मी माझं आयुष्य पुन्हा जगण्यास तयार आहे. माझं तुमच्यावर खूप प्रेम आहे. !!!!
चाहत्यांच्या प्रतिक्रिया
सुष्मिता सेनची पोस्ट वाचून तिच्या चाहत्यांना धक्का बसला आहे. काही चाहत्यांनी तिच्या निरोगी आयुष्यासाठी प्रार्थना केली आहे. तर काहींनी 'तू लवकर बरी होशील' असं म्हणत तिला धीर दिला आहे.
सुष्मिता सेनच्या वर्क फ्रंटबद्दल
अभिनेत्री सुष्मिता सेनच्या वर्क फ्रंटबद्दल बोलायचे झाल्यास ती बीवी नंबर 1, डू नॉट डिस्टर्ब, मैं हूं ना, मैने प्यार क्यूं किया, तुमको ना भूल पायेंगे आणि नो प्रॉब्लेम यांसारख्या चित्रपटांमध्ये तिने अप्रतिम भूमिका साकारली होती. 'आर्या' या वेबसीरिजच्या माध्यमातून तिने इंडस्ट्रीत बऱ्याच वर्षांनंतर पदार्पण केलं. या वेब सीरिजच्या पहिल्या दोन सीझनला चाहत्यांनी भरभरून प्रेम दिलं. आता लवकरच सुष्मिता 'आर्या' वेब सीरिजच्या तिसऱ्या सीझनमध्ये दिसणार आहे. सुष्मिताचे चाहते या वेब सीरिजची आतुरतेने वाट पाहतायत.
महत्त्वाच्या बातम्या :
Before You Go
Arjun Tendulkar Weds Saaniya Chandhok : अर्जुन-सानिया लग्नबंधनात ! स्टायलिश लूकने वेधलं लक्ष
महत्त्वाच्या बातम्या
