सुशांत सिंग राजपूत प्रकरणी एनसीबीचे आरोपपत्र दाखल, आरोपपत्रात रियासह 33 जणांचा समावेश

सुशांत सिंह राजपूत प्रकरणी मुंबई सत्र न्यायालयात आरोपपत्र दाखल करण्यात आले आहे. एनसीबीच्यावतीनं 30 हजार पानी आरोपपत्र दाखल करण्यात आले आहे.

File Photo

मुंबई : अभिनेता सुशांत सिंह राजपूत मृत्यू प्रकरणातील एनसीबीने चार्जशीट दाखल केले आहे. एनसीबीच्या चार्जशीटमध्ये 33 जणांचा समावेश आहे. या चार्जशीटमध्ये एनसीबीने बॉलीवूड अभिनेत्री दीपिका पदुकोण, श्रद्धा कपूर आणि सारा अली खान यांच्या फक्त जबाबांचा समावेश आहे.

सुशांत सिंह राजपूत मृत्यूप्रकरणी मुंबई सत्र न्यायालयात आरोपपत्र दाखल करण्यात आले आहे. एनसीबीच्यावतीनं 30 हजार पानी आरोपपत्र दाखल करण्यात आले आहे. चार्जशीटमध्ये रिया चक्रवर्ती तिचा भाऊ शौविक, सॅम्युअल मिरांडा, दिपेश सावंत यांच्यासह एकूण 33 जण आरोपींची नावे आहे

दीपिका पदुकोण, सारा अली खान, श्रद्धा कपूर, रकुल प्रीत सिंग यांसारख्या बॉलिवूडमधील बड्या अभिनेत्रींचा जबाबाचा समावेश आहे. आरोपपत्रात त्यांचा आरोपी म्हणून उल्लेख केलेला नाही.

 बॉलिवूडमधील हरहुन्नरी अभिनेता म्हणून ओळख असलेला सुशांत सिंह राजपूत (Sushant Singh Rajput suicide) याने 14 जूनला वांद्रे येथील राहत्या घरी गळफास घेऊन त्यांनं आत्महत्या केली. सुशांत हा नैराश्यात होता अशी माहिती सुशांतच्या घरी काम करणाऱ्या नोकराने दिली आहे. सुशांत डिप्रेशनमध्ये होता त्याच्यावर उपचार सुरू होते. सुशांतच्या घरी पोलिसांना काही औषधे मिळाली आहे त्यावरुन हा अंदाज लावण्यात आलेला आहे. मात्र आत्महत्येचं कारण अद्याप स्पष्ट झाले नाही. सुशांतच्या घरात सुसाइड नोट सापडलेली नाही.