SSR Case | सुशांतसिंह मृत्यू प्रकरणात ओढलं जातंय, अरबाज खानची सायबरमध्ये तक्रार

दिशा सॅलिअर सूरज पांचोली, अरबाझ खानचं नाव समोर आल्याचं बोललं जात होतं. ही गोष्ट आता मागे पडली आहे. पण अरबाझ खानने मात्र तो मुद्दा धरत सायबर सेलकडे तक्रार केली आहे.

मुंबई : सुशांतसिंह राजपूतच्या मृत्यूचं गूढ वाढत असतानाच या संपूर्ण प्रकरणात ज्यांची ज्यांची नावं सुरूवातीपासून आली त्यापैकी काहींनी आता तक्रारी दाखल करायला सुरूवात केली आहे. त्यातलंच एक मोठं नाव आहे अरबाझ खानचं. अरबाझ खान हा सलमानचा भाऊ आहे आणि मिर्माताही आहे. अरबाझने मुंबई सायबर सेलकडे तक्रार दाखल करून आपलं नाव नाहक या प्रकरणात गोवलं जात असल्याचं म्हटलं आहे.

सुशांतचा मृत्यू झाल्यांनंतर सुरुवातीच्या काळात काही कयास बांधले गेले होते. सुशांतच्या मृत्यूआधी दिशा सॅलिअननेही आत्महत्या केली होती. आता तिनेही आत्महत्या केली नसून ती हत्या असल्याचा दावा अनेकांनी केला होता. त्यात 8 जूनला पार्टी झाली त्यात दिशावर बलात्कार झाल्याच्या बातम्याही आल्या होत्या. त्या पार्टीत काही मंडळी हजर असल्यााचा उच्चार झाला होता. यात सूरज पांचोली, अरबाझ खानचं नाव समोर आल्याचं बोललं जात होतं. ही गोष्ट आता मागे पडली आहे. पण अरबाझ खानने मात्र तो मुद्दा धरत सायबर सेलकडे तक्रार केली आहे. दिशा सॅलियन किंवा सुशांतसिंह राजपूतच्या मृत्यू प्रकरणाशी आपला काहीही संबंध नसल्याचं त्याने यात म्हटलं आहे.

आपल्याला नाहक या प्रकरणात ओढलं जात असून याच्याशी आपला संबंध नाही असं अरबाझने या तक्रारीत म्हटलं आहे. तर सायबरकडे केलेल्या तक्रारीत अरबाझने काही यूट्यूबर्सची नावंही दिली आहेत. आता अद्याप पोलिसांनी यांच्याविरोधात काही पावलं उचललेली नाहीत. पण अरबाझ काही लोकांविरोधात अब्रू नुकसानीचा दावाही ठोकण्याच्या विचारात असल्याचं बोललं जातं. सुशांतच्या मृत्यूनंतर त्यावेळी मांडल्या गेलेल्या थिएरीजमध्ये 8 जूनला झालेल्या पार्टीची वदंता होती. त्यात अनेक कलाकार हजर होते आणि त्यानंतर दिशाचा मृत्यू झाल्याच्या बातम्या आल्या होत्या. त्याला धरून अरबाझने ही तक्रार केली आहे.