धुरंधर’ला सिंहासनावरुन खाली खेचलं! सनी देओलच्या ‘बॉर्डर 2’ने पहिल्याच दिवशी उडवला बॉक्स ऑफिसवर धुरळा
सिनेमाला बहुतांश ठिकाणी पॉझिटिव्ह रिव्ह्यू मिळत असून, देशभक्ती आणि भावनिक मांडणी प्रेक्षकांच्या विशेष पसंतीस उतरत आहे.
Border 2 Box Office Collection: सनी देओलच्या ‘बॉर्डर 2’ने बॉक्स ऑफिसवर धडाकेबाज एंट्री घेतली असून, 2025 मधील सर्वात मोठ्या हिट ठरलेल्या ‘धुरंधर’चा पहिल्या दिवसाचा रेकॉर्ड मोडला आहे. दमदार ओपनिंगमुळे ही फिल्म सध्या चांगलीच चर्चेत आहे. 2026 मधील पहिली मोठी रिलीज ठरलेली ‘बॉर्डर 2’ शुक्रवारी थिएटरमध्ये प्रदर्शित झाली. रिलीजआधीपासूनच या चित्रपटाकडे प्रेक्षकांचं लक्ष होतं. सिनेमाला बहुतांश ठिकाणी पॉझिटिव्ह रिव्ह्यू मिळत असून, देशभक्ती आणि भावनिक मांडणी प्रेक्षकांच्या विशेष पसंतीस उतरत आहे. हाच भावनिक कनेक्ट चित्रपटाच्या लोकप्रियतेचं मोठं कारण ठरत आहे.
पहिल्या दिवसाची कमाई किती?
‘बॉर्डर 2’ने अ‍ॅडव्हान्स बुकिंगमध्येही जबरदस्त कामगिरी केली. रिलीजच्या एक दिवस आधीच तब्बल 4 लाख तिकीटांची विक्री झाली होती. पुढील 24 तासांत ही संख्या दुप्पट झाली. त्यामुळे पहिल्या दिवसाच्या कमाईबाबत मोठे अंदाज वर्तवले जात होते.
ट्रेड वेबसाइट Sacnilk च्या अहवालानुसार, ‘बॉर्डर 2’ने पहिल्या दिवशी सुमारे 30 कोटी रुपयांची कमाई केली आहे. मात्र, अंतिम आकडे अजून समोर यायचे आहेत. या कमाईसह ‘बॉर्डर 2’ने 2025 मधील ब्लॉकबस्टर ‘धुरंधर’चा ओपनिंग डे रेकॉर्ड मोडला आहे. ‘धुरंधर’ने पहिल्या दिवशी 28 कोटींची कमाई केली होती. विशेष म्हणजे, ‘धुरंधर’ने दुसऱ्या आठवड्यापासून बॉक्स ऑफिसवर खरा जलवा दाखवला आणि आजही 50 दिवसांनंतर थिएटरमध्ये यशस्वीपणे सुरू आहे.
ट्रेड तज्ञांच्या मते, ‘बॉर्डर 2’ची पहिल्या दिवसाची कमाई 35 ते 40 कोटींपर्यंत जाऊ शकते. नाइट शोजमध्येही सिनेमाला तुफान प्रतिसाद मिळत असून, अनेक ठिकाणी थिएटर हाऊसफुल्ल दिसत आहेत. 1997 साली प्रदर्शित झालेल्या जे.पी. दत्तांच्या ‘बॉर्डर’चा हा सिक्वेल बॉक्स ऑफिसवर जोरदार ओपनिंग करताना दिसतोय. आता या चित्रपटाला पहिल्याच वीकेंडला 100 कोटींचा टप्पा पार करता येतो का, हे पाहणं औत्सुक्याचं ठरणार आहे.
बॉर्डर 2 मध्ये स्टारकास्ट काय?
‘बॉर्डर 2’मध्ये सनी देओलसोबत वरुण धवन, अहान शेट्टी आणि दिलजीत दोसांझ प्रमुख भूमिकेत दिसत आहेत. चित्रपटाची कथा 1971 च्या भारत-पाकिस्तान युद्धावर आधारित असून, यावेळी ऑपरेशन चंगेज खानची लढाई दाखवण्यात आली आहे. पहिल्या ‘बॉर्डर’मध्ये लोंगेवाला युद्ध दाखवण्यात आलं होतं आणि त्यातही सनी देओल प्रमुख भूमिकेत होते.
महत्त्वाच्या बातम्या
