Sunny Deol: सनी देओलला लहानपणापासून आहे हा आजार; अभिनेत्याचा खुलासा, म्हणाला,‘लोक मला मूर्ख समजायचे'
अनेकांना माहिती नसलेली गोष्ट म्हणजे सनी देओल लहानपणापासून एका आजाराशी झुंज देत होता. त्याने स्वतः एका मुलाखतीत सांगितलं आहे.
Sunny Deol: बॉलिवूड अभिनेता सनी देओल सध्या त्याच्या चित्रपटांमुळे चर्चेत आहे. पण यशाच्या या प्रवासामागे त्याने मोठ्या संघर्षाचा सामना केला आहे. ‘बॉर्डर 2’नंतर त्याच्या ‘गबरू’ या आगामी चित्रपटाची रिलीज डेट जाहीर झाली आहे. मात्र अनेकांना माहिती नसलेली गोष्ट म्हणजे सनी देओल लहानपणापासून एका आजाराशी झुंज देत होता. या आजारामुळे अनेकदा लोकांनी त्याची चेष्टा केली, असं त्याने स्वतः एका मुलाखतीत सांगितलं आहे.
डिस्लेक्सियामुळे सेटवरही अडचणी
एका मुलाखतीत सनी देओलने सांगितलं की तो अनेक वर्षे डिस्लेक्सिया या आजाराने त्रस्त होता. हा आजार प्रामुख्याने वाचन-लेखनाशी संबंधित असतो. शाळेत असतानाच त्याला याची समस्या जाणवली होती. यामुळे चित्रपटांच्या सेटवर संवाद वाचणे, लक्षात ठेवणे आणि डिलिव्हरी देणे त्याच्यासाठी आव्हानात्मक ठरत असे. स्क्रिप्ट नीट वाचता न आल्यामुळे त्याला विशेष मेहनत घ्यावी लागत होती.
‘लोक मला डफर समजायचे’
सनी देओलने सांगितलं की या समस्येवर मात करण्यासाठी तो अनेकदा हिंदीत संवाद मागायचा आणि शब्द पुन्हा-पुन्हा वाचायचा. पण त्यावेळी काही लोक त्याची अडचण समजून घेत नसत. उलट तो मुद्दाम करत आहे असं मानून त्याला “डफर” समजलं जायचं. त्यामुळे त्याला मानसिक त्रासही सहन करावा लागला.
आगामी प्रोजेक्ट्सकडे लक्ष
‘बॉर्डर 2’च्या यशानंतर सनी देओलकडे सध्या अनेक प्रोजेक्ट्स आहेत. तो लवकरच इक्का या चित्रपटात दिसणार असून त्याच्यासोबत अक्षय खन्ना स्क्रीन शेअर करणार आहे. याशिवाय ‘गबरू’, लाहोर 1947 आणि रामायण या चित्रपटांतही तो झळकणार आहे. बॉलिवूड अभिनेता Sunny Deol ‘बॉर्डर 2’च्या यशानंतर आता ‘गबरू’ या नव्या चित्रपटासह प्रेक्षकांच्या भेटीला येणार आहे. या चित्रपटाची प्रेक्षकांमध्ये बराच काळ उत्सुकता होती. आता चित्रपटाच्या रिलीजबाबत महत्त्वाची माहिती समोर आली आहे. ताज्या रिपोर्टनुसार ‘गबरू’ मे महिन्यात थिएटरमध्ये प्रदर्शित होणार असून 8 मे ही संभाव्य रिलीज डेट मानली जात आहे.
आजवर सनी देओलला ‘गदर’पासून ‘बॉर्डर’पर्यंत दमदार अॅक्शन हिरो म्हणून पाहिलं गेलं आहे. मात्र ‘गबरू’मध्ये तो आपल्या नेहमीच्या इमेजपासून हटके भूमिकेत दिसणार आहे. या चित्रपटात तो मध्यमवर्गीय कुटुंबातील माणसाची भूमिका साकारणार असून, कठीण परिस्थितीतही हार न मानता पुन्हा स्वतःला शोधण्याचा त्याचा प्रवास दाखवण्यात येणार आहे.
महत्त्वाच्या बातम्या
