Sukh Mhanje Nakki Kay Asta : ‘माझ्या वाटंला जाल तर खाटंवर आडवं पडाल..’, गौरीची शालिनी-देवकीला धमकी!

Sukh Mhanje Nakki Kay Asta : गौरी सत्य सांगण्यासाठी माईंना जंगलात जाऊन भेटते. यावेळी शालिनी आणि देवकी देखील गौरीचा पाठलाग करत जंगलात पोहोचतात.

Sukh Mhanje Nakki Kay Asta

Sukh Mhanje Nakki Kay Asta : स्टार प्रवाहवरील लोकप्रिय मालिका ‘सुख म्हणजे नक्की काय असतं’ (Sukh Mhanje Nakki Kay Asta) या मालिकेत सध्या अनेक नवी वळणं येत आहेत. या मालिकेतील जयदीप आणि गौरीची जोडी प्रेक्षकांना भरपूर आवडली आहे. मालिकेत आता गौरीचं नवं रूप पाहायला मिळणार आहे. मालिकेतील गौरी ही साधीभोळी असली, तरी ही नवी गौरी मात्र अरे ला कारे करणारी आहे.

पहिल्याच दिवशी ती शालिनी वहिनी आणि मानसीला चांगलाच धडा शिकवणार आहे. पहिल्याच दिवशी गौरीने शालिनी, जयदीप आणि मानसी यांना धमकी दिली आहे. यामुळे आता तिघांचेही धाबे दणाणले आहेत.

शालिनी-देवकीने केला गौरीचा पाठलाग

गौरीने घरात तर प्रवेश केला आहे. मात्र, तिच्या या बदललेल्या वागणुकीमुळे माई दुखावल्या गेल्या आहेत. यानंतर आता गौरी माईंना सगळी सत्य परिस्थिती सांगणार आहे. मानसी आणि जयदीपने मिळून कसं आपल्याला मारण्याचा प्रयत्न केला आणि आपली स्मृती गेलेली नसून, केवळ या दोघांच्या या कृत्याचा पर्दाफाश करण्यासाठी आपण हे सोंग करत असल्याची कबुली गौरी माईंना देणार आहे.

गौरी हे सत्य सांगण्यासाठी माईंना जंगलात जाऊन भेटते. यावेळी शालिनी आणि देवकी देखील गौरीचा पाठलाग करत जंगलात पोहोचतात. यावेळी गौरीला त्यांची चाहूल लागते आणि ती त्यांची नजर चुकवून तिथून निघून जाते. मात्र, नंतर घरी आल्यावर दोघीही गौरीवर आरोप करू लागतात. यावर गौरी त्यांना चांगलेच बोल लगावते. पहिल्याच दिवशी गौरीने शालिनी, जयदीप आणि मानसी यांना धमकी दिली आहे. यामुळे आता तिघांचेही धाबे दणाणले आहेत.

'सुख म्हणजे नक्की काय असतं'  या मालिकेत गिरिजा प्रभू, मंदार जाधव, मीनाक्षी राठोड, माधवी निमकर आणि वर्षा उसगांवकर हे कालकार प्रमुख भूमिका साकरतात. या मालिकेतील कलाकारांच्या अभिनयाला प्रेक्षकांची विशेष पसंती मिळत आहेत.

हेही वाचा :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha