Sonu Sood : 'आता दोन पायांवर चालायची वेळ आली; तिकीट पाठवतोय....' ; बिहारच्या मुलीला सोनू सूद करणार मदत

व्हायरल झालेल्या व्हिडीओमध्ये ही मुलगी एका पायवर शाळेत जाताना दिसत आहे. आता या मुलीला सोनू (Sonu Sood) मदत करणार आहे. 

Sonu Sood

Sonu Sood : बॉलिवूडमधील प्रसिद्ध अभिनेता सोनू सूदनं (Sonu Sood) लॉकडाऊन दरम्यान अनेकांची मदत केली. तो सोशल मीडियावर नेहमी सक्रिय असतो. अनेक लोक  सोशल मीडियावर पोस्ट शेअर करून सोनूला मदत मागतात. त्यांच्या पोस्टला रिप्लाय देऊन सोनू त्यांना मदत देखील करतो. नुकताच बिहारमधील एका चिमुकलीचा व्हिडीओ व्हायरल झाला आहे. या व्हिडीओमध्ये ही मुलगी एक किलोमीटरच्या अंतरावर असणाऱ्या शाळेत जाण्यासाठी एका पायावर उड्या मारताना दिसत आहे. एका दुर्घटनेमध्ये या मुलीनं तिचा एक पाय गमावला आहे. पण तरी देखील ही मुलगी एका पायवर शाळेत जात आहे. आता या मुलीला सोनू मदत करणार आहे. 

व्हायरल झालेल्या व्हिडीओला रिप्लाय देत सोनूनं पोस्टमध्ये लिहिलं, 'आता ही दोन पायांवर उड्या मारत शाळेत जाईल. तिकीट पाठवत आहे आता दोन पायांवर चालायची वेळ आली.' सोनूच्या या रिप्लायवरुन असे लक्षात येते की सोनू त्या मुलीला लवकरच मदत करणार आहे. 

 व्हायरल व्हिडीओमध्ये दिसत असणाऱ्या मुलीचं नाव सीमा असं आहे. ती बिहारमधील जमुई येथे राहते. सीमाला पाच भावंडे आहेत.  

संघर्ष की डगर पर हौसला अडिग! माता-पिता मजदूरी करते हैं. 10 साल की यह सीमा पढ़ने के लिए 500 मीटर तक पगडंडियों पर कूदते हुए स्कूल जाती है. सीमा ने सड़क हादसे में अपना एक पैर खो दिया है लेकिन हौसले को बचाए रखा है. जमुई से कवि सिंह की रिपोर्ट. Edited by @iajeetkumar pic.twitter.com/crrokhLuFi

— Prakash Kumar (@kumarprakash4u) May 25, 2022

सोनूचे आगामी चित्रपट 

सोनूचा आचार्य हा चित्रपट काही दिवसांपूर्वी प्रेक्षकांच्या भेटीस आला. या चित्रपटामध्ये अभिनेता  रामचरण आणि चिरंजीवी  यांनी देखील प्रमुख भूमिका साकारली आहे. आता लवकरच सोनू हा पृथ्वीराज या चित्रपटामधून प्रेक्षकांच्या भेटीस येणार आहे. सोनू या चित्रपटामध्ये चांद बरदाई ही भूमिका साकारणार आहे, असं म्हटलं जात आहे. या चित्रपटामध्ये अक्षय कुमारनं प्रमुख भूमिका साकारली आहे. 2002 मध्ये प्रदर्शित झालेल्या शहीद या चित्रपटामधून सोनूनं अभिनय क्षेत्रात पदार्पण केलं. चित्रपटांबरोबरच तो जाहिरातींमध्ये देखील काम करतो. 

संबंधित बातम्या