Sonu Sood : कोमातून बाहेर यायला सोनू सूदनं केली मदत, बरं झाल्यावर घेतली अभिनेत्याकडे धाव!
सोनूनं नुकतीच एक पोस्ट सोशल मीडियावर शेअर केली आहे. या पोस्टमध्ये त्याच्यासोबत एक लहान मुलगी आणि एक व्यक्ती दिसत आहे. ते दोघे सोनूला भेटण्यासाठी आले होते.
Sonu Sood : बॉलिवूडमधील प्रसिद्ध अभिनेता सोनू सूदनं (Sonu Sood) लॉकडाऊन दरम्यान अनेकांची मदत केली. तो सोशल मीडियावर नेहमी अॅक्टिव्ह असतो. अनेकांनी ट्विटरवर किंवा सोशल मीडियावर पोस्ट शेअर करून सोनूकडे मदत मागितली. सोनूच्या सामाजिक कार्याचे अनेक जण कौतुक करत आहेत. सोनूनं नुकतीच एक पोस्ट सोशल मीडियावर शेअर केली आहे. या पोस्टमध्ये त्याच्यासोबत एक लहान मुलगी आणि एक व्यक्ती दिसत आहे. ते दोघे सोनूला भेटण्यासाठी आले होते. सोनूनं त्या दोघांसोबतचा फोटो पोस्ट करुन खास कॅप्शन दिलं.
सोनू सूदनं तेलंगना येथील एका व्यक्तीची मदत केली आहे. काही दिसांपूर्वी हा व्यक्ती कोमामध्ये गेला होता. या व्यक्तीचं नाव राम प्रसाद भंडारी आहे. सोनूनं शेअर केलेल्या रामच्या फोटोमध्ये तो एका बाइकवर बसलेला दिसत आहे. या बाइकवर सोनू सूद रियल हीरो असं लिहिलेलं दिसत आहे. तर रामच्या आणि त्याच्या मुलीच्या टी-शर्टवर सोनू सूदचा फोटो दिसत आहे.
नाव राम प्रसाद भंडारी आणि त्यांच्या मुलीसोबतचा फोटो शेअर करुन सोनूनं कॅप्शनमध्ये लिहिलं, 'तेलंगना येथील राम प्रसाद भंडारी आणि त्यांची मुलगी मला भेटायला माझ्या घरी आली होती. त्यांना भेटल्यानंतर मला खूप चांगलं वाटलं. हा व्यक्ती काही दिवसांपूर्वी कोमामध्ये गेला होता. आम्ही त्यांची मदत करु शकलो त्यामुळे त्यांचा जीव वाचला. राम प्रसाद भंडारी यांच्या मुलीच्या डोळ्यांमध्ये आनंद दिसत होता. हे क्षण आम्हाला चांगलं काम करायला प्रेरित करतात.' सोनूनं शेअर केलेल्या या फोटोला कमेंट करुन अनेक नेटकऱ्यांनी त्याच्या कामाचं कौतुक केलं आहे. अभिनेता सुनील शेट्टीनं देखील सोनूच्या या पोस्टवर कमेंट केली आहे.
View this post on Instagram
सोनूचे चित्रपट
'फतेह' हा आगामी चित्रपट प्रेक्षकांच्या भेटीस येणार आहे. 2002 मध्ये प्रदर्शित झालेल्या शहीद या चित्रपटामधून सोनूनं अभिनय क्षेत्रात पदार्पण केलं. चित्रपटांबरोबरच तो जाहिरातींमध्ये देखील काम करतो. सोनूनं आत्तापर्यंत 70 चित्रपटांमध्ये काम केले आहे.
हेही वाचा:
महत्त्वाच्या बातम्या
ट्रेंडिंग न्यूज
