सोनाली राऊतने बिग बॉसच्या घरातून बाहेर पडताच सांगितलं कारण, म्हणाली 'तिसऱ्याच दिवशी हेल्थ ...
दरम्यान बिग बॉसच्या घरातून बाहेर पडल्यानंतर सोनालीने बिग बॉसच्या घरात झालेल्या त्रासाबद्दल सांगितलं आहे.
Sonali Raut Bigg Boss Marathi 6 Exit: सध्या कलर्स मराठीवर बिग बॉस मराठीचे सहावे पर्व चांगलेच गाजत आहे. बिग बॉसच्या घरातील स्पर्धकांविषयी प्रेक्षकांच्या मनात कुतूहल निर्माण झालं असून कोणाचा गेम कसा आहे? कोण बिग बॉस शर्यतीत पुढे जाणार? कोण एलिमिनेट होणार? याकडे चाहत्यांचं लक्ष आहे. दुसऱ्या आठवड्यात राधा पाटीलने बिग बॉसच्या घरातून एक्झिट घेतली. या आठवड्यात एक धक्कादायक एलिमिनेशन पार पडलं. दुसऱ्या एलिमिनेशनमध्ये सोनाली राऊत बिग बॉसच्या घरातून बाहेर पडली आहे. सोनाली राऊतच्या अचानक झालेल्या एलिमिनेशनमुळे चाहत्यांना मोठा धक्का बसलाय. दरम्यान बिग बॉसच्या घरातून बाहेर पडल्यानंतर सोनालीने बिग बॉसच्या घरात झालेल्या त्रासाबद्दल सांगितलं आहे.
काय म्हणाली सोनाली?
'राजश्री मराठी'ला दिलेल्या मुलाखतीत सोनाली राऊत न बिग बॉसच्या घरात तिला झालेल्या त्रासाबद्दल सांगितलं आहे. ती म्हणाली ' पहिल्या आठवड्यात जेव्हा मी सगळ्यांना भेटले तो अनुभव खूप चांगला होता. त्यातल्या काही जणांना माझ्याबद्दल माहिती होती. आता माझ्या हेल्थवर कॉम्प्रमाईज झालं आहे. त्यामुळे मला घरातून निघावं लागलं. बिग बॉसच्या घरात गेल्यानंतर अवघ्या तिसऱ्या दिवसापासूनच मला इन्फेक्शन सुरू झालं होतं. जे मी नोटीस केलं होतं. दोन-तीन दिवसात ते इन्फेक्शन स्प्रेड झालं. मांड्यांवर आणि हातावर इन्फेक्शन पसरलं. त्यामुळे मी घरात पॅनिक झाले होते. मी बिग बॉसच्या डॉक्टरशीही बोलले. डॉक्टरांनी सांगितलं, तुम्ही चांगलं खा. चांगलं राहा. जेव्हा आपण बिग बॉसच्या घरात असतो तेव्हा ते थोडंसं शक्य नसतं . कारण बिग बॉस हा एक टास्क बेस शो आहे. पण माझी हेल्थ कॉम्प्रमाईज झाली. मी डॉक्टरांनाही विचारलं पण तेही काही करू शकत नव्हते. डॉक्टरांनी औषधही दिली होती पण त्याने ते इन्फेक्शन गेलं नाही. त्यामुळे शेवटी मला बिग बॉसच्या टीमला सांगावं लागलं. असं सोनालीने सांगितलं.
बिग बॉसच्या घरात मी स्वतःची काळजी घेत होते. मी एक तास सुद्धा केला नाही शेणाचा. कारण मला माहितीये त्याचा परिणाम माझ्या तब्येतीवर होणार होतं. मी सांगत होते मला कपडे चेंज करू द्या पण कुणाला काही कळतच नव्हतं मी कशातून जात होते. मला औषधही देण्यात आली होती पण त्याचा परिणाम होत नव्हता. मला घराच्या बाहेर जाऊनच उपचार घ्यावे लागणार होते. अजूनही माझी ट्रीटमेंट सुरू आहे असं सोनालीने सांगितलं.
Before You Go
Anandache Paan : 'खोचक रेषा' या पुस्तकाच्या निमित्ताने लेखक अभिमन्यू कुलकर्णी यांच्यासोबत गप्पा
महत्त्वाच्या बातम्या
