Matka King: सिद्धार्थ जाधवची नागराज मंजुळेंसाठी खास पोस्ट, भावुक होत म्हणाला, माझ्या आयुष्यातली पहिली वेब सिरीज...
Siddharth Jadhav First Web Series Experience: मटका किंगनिमित्त सिद्धार्थ जाधवची वेब सिरीद विश्वात पाऊल. नागराज मंजुळेंसाठी लिहिली खास पोस्ट.
Siddharth Jadhav Shares Emotional Note for Nagraj Manjule: नागराज मंजुळे (Nagraj Manjule) दिग्दर्शित 'मटका किंग' (Matka King) ही वेब सिरीज सध्या प्रचंड चर्चेत आहे. या वेब सिरीजमध्ये मुख्य नायक म्हणून विजय वर्माने (Vijay Verma) ब्रिज भट्टी ही भूमिका साकारली आहे. या सिरीजमध्ये इतर दमदार कलाकारांच्याही महत्त्वाच्या भूमिका आहेत. या सिरीजमध्ये मराठी अभिनेता सिद्धार्थ जाधवचीही (Siddharth Jadhav) महत्त्वपूर्ण भूमिका आहे. त्यानं अलिकडेच या वेब सिरीजसाठी काम करत असतानाची झलक पोस्टद्वारे सोशल मीडियात शेअर केली आहे. यात अभिनेता नागराज मंजुळेंसोबत दिसत आहे. या पोस्टमध्ये अभिनेत्याने खास नागराज मंजुळेंचे आभार मानले आहे. त्याची पोस्ट सध्या सोशल मीडियात व्हायरल होत आहे.
'मटका किंग' या वेब सिरीजची सध्या विशेष चर्चा सुरू आहे. ही धमाकेदार वेब सिरीज आपल्याला प्राइम व्हिडीओ या ओटीटी प्लॅटफॉर्मवर पाहता येईल. या वेब सिरीजमध्ये आपल्याला काही मराठीही चेहरे पाहता येईल. सिद्धार्थ जाधवचीही महत्त्वाची भूमिका आहे. आज 17 एप्रिल 2026 रोजी ही वेब सिरीज रिलीज झाली आहे. वेब सिरीज रिलीज झाल्यानंतर सिद्धार्थने नागराज मंजुळेंसाठी खास पोस्ट शेअर करुन आभार व्यक्त केले आहे.
सिद्धार्थ जाधवची नागराज मंजुळेंसाठी खास पोस्ट (Siddharth Jadhav Thanks Nagraj Manjule)
'नागराज मंजुळे भावा. तुझ्याबरोबर काम करण्याची इच्छा प्रत्येक कलाकाराची असते. आज मटका किंग या वेबसिरीजच्या निमित्ताने माझी ती इच्छा पूर्ण झाली आहे. माझ्या आयुष्यातली पहिली वेब सिरीज ती ही तुझ्या दिग्दर्शनाखाली.. दगडू विचारे नावाचं पात्र तू मला साकारायला दिलेस माझ्यावर विश्वास टाकलास...ॲमेझॉन प्राईम सारखा प्लॅटफॉर्म, सिद्धार्थ रॉयय कपूर, अश्विनी मॅम ,यांच्यासारखे निर्माते आणि विजय वर्मा ,सई ताम्हणकर , कृतिका कामरा, गुलशन ग्रोवरसर, भरत जाधव सर, भूपेंद्र जडावत, गिरीश कुलकर्णी सर , किशोर कदम सर, आणि अशा मात्तबर कलाकारांबरोबर काम करायची संधी मिळाली.'
अभिनेत्याने नागराज मंजुळेंचे आभार केले व्यक्त (Siddharth Jadhav First Web Series Matka King)
View this post on Instagram
'कलाकाराला प्रत्येक वेळेला चांगलं काम करायची संधी हवी असते आणि कुणीतरी तो विश्वास टाकावा अशी त्याची इच्छा असते. म्हणून तूच लिहलेला डायलॉग तुलाच सारखं सारखं ऐकवतो...शुक्रिया सेठ ....काम देने के लिए नही...भरोसा रखने के लिये...आपला सिद्धू...', असं म्हणत सिद्धार्थने नागराज यांच्यासोबतचे सेटवरील फोटो शेअर केले. जर आपल्याला सस्पेन्स थ्रिलर चित्रपट आवडत असतील, तर ही सिरीज खास तुमच्यासाठी आहे. वीकेंडला आपण ही सिरीज नक्कीच एन्जॉय करु शकता.
महत्त्वाच्या बातम्या
