Shweta Tiwari MNS Raj Thackeray: आधी मनसेवर नको नको ते आरोप केले; आता श्वेता तिवारीनं राज ठाकरेंचे मानले आभार, नेमकं काय घडलं?
Shweta Tiwari on MNS: ट्रोलिंग अन् महिलांविरोधातील अपमानास्पद कमेंट्सप्रकरणी श्वेता तिवारीने नवं स्पष्टीकरण दिलंय.

Shweta Tiwari Trollers on MNS: अभिनेत्री श्वेता तिवारी (Shweta Tiwari) सोशल मीडियात प्रचंड सक्रीय असते. तिने अलिकडेच महिलांविरोधात अपमानजनक टिप्पणी आणि ट्रोल करणाऱ्यांचा उल्लेख करत सोशल मीडियात पोस्ट (Social Media) शेअर केली होती. तिने असेही म्हटले होते की, यातील काही ट्रोलर्स MNS पार्टीतील समर्थक आहेत, असा दावा तिने केला होता. दरम्यान, या प्रकरणानंतर महाराष्ट्र नवनिर्माण सेनेचे पदाधिकारी शालिनी ठाकरे यांनी आपल्या अधिकृत सोशल मीडिया अकाऊंटवर (MNS) पोस्ट शेअर केली. तसेच श्वेता तिवारीला सणसणीत उत्तर दिलं. दरम्यान, या सर्व पार्श्वभूमीवर श्वेताने प्रतिक्रिया दिलेली आहे. तसेच ट्रोलर्स हे मनसे (Maharashtra Navnirman Sena) पक्षाचे समर्थक किंवा मनसे पक्षातील नव्हते, असं अभिनेत्रीने स्पष्ट केलंय. यावेळी तिने मनसे अध्यक्ष राज ठाकरे यांचे आभारही मानले. सध्या अभिनेत्रीच्या पोस्टची विशेष चर्चा होत आहे. तिची पोस्ट व्हायरल झाली आहे.
श्वेता तिवारीने राज ठाकरेंचे मानले आभार (Shweta Tiwari clarifies trolls were not MNS members)
अभिनेत्रीने पोस्टमध्ये म्हटलं की, 'काही दिवसांपूर्वी मी पोस्ट शेअर केली होती. ज्यात काही लोक विनाकरण महिलांवर अपमानास्पद टिप्पणी करत होते. तेव्हा मी त्यांच्या इन्स्टाग्राम अकाऊंट्सचे स्क्रीनशॉटही शेअर केले होते. कारण मला असं वाटतं की, असे वर्तन करणाऱ्यांना आपण यातून सहज सुटू शकतो, असं त्यांना वाटता कामा नये. मी राज ठाकरेंसमोर प्रश्न उपस्थित केला होता की, त्यांचा सपोर्ट करत असल्याचा दावा करणाऱ्या लोकांचा असा व्यवहार स्वीकार्य आहे का?', असं श्वेता तिवारी म्हणाली होती. 'काही वेळानंतर मनसे पक्षातील नेत्या स्नेहल अडारकर यांनी माझ्याशी संपर्क साधला. तसेच महिलांप्रति असा व्यवहार स्वीकार्य नाही, असं सांगितलं'.
'त्यांनी यावेळी हे देखील स्पष्ट केलं की, या प्रकरणात सामील असलेले लोक पार्टीतील सदस्य नव्हते. गुन्हा कुणी केला आहे, याचा नक्कीच शोध घेण्याचा प्रयत्न केला जाईल. यावेळी त्यांनी काही दिवसांसाठी माझ्याकडे मुदतही मागितली. अवघ्या तीन दिवसांतच, स्नेहल यांनी त्या व्यक्तींचा फोन नंबर आणि हाताने लिहिलेले माफीपत्र पाठवले', अशी माहिती श्वेता तिवारीने दिली. 'त्यांनी यावेळी माझ्यासमोर स्पष्ट केलं की, महिलांचा अपमान ते कधीही हलक्यात घेत नाहीत. तसेच स्नेहल यांनी सांगितले की, भविष्यात मला कधीही अशा प्रकारच्या समस्या आल्या, तर, मी स्नेहल यांच्याशी संपर्क साधू शकते. त्यांनी हे प्रकरण गांभीर्याने घेतले, हे खरंच कौतुकास्पद आहेत'.
यासोबत श्वेता तिवारीने यावेळेस त्या व्यक्तींकडून पाठवण्यात आलेला माफीनामा देखील शेअर केला. श्वेताने आपल्या पोस्टमध्ये म्हटलं की, 'खरंतर ही समस्या कोणत्याही एका व्यक्ती किंवा घटनेपेक्षाही मोठी आहे. ती केवळ एका व्यक्तींपुरती मर्यादित राहत नाही. मला खरंच आशा आहे की, जगातील तंत्रज्ञान आणि सोशल मीडिया प्लॅटफॉर्म्स नक्कीच यावर तोडगा काढतील. कारण सध्या ऑनलाइन गैरवर्तन हे नियंत्रणाबाहेर जात आहे. तरी देखील त्यांच्या प्रयत्नांचे मी विशेष कौतुक करते. या प्रकरणाला गांभीर्याने घेतल्याबद्दल राज ठाकरे जी, थँक्यू...'
महत्त्वाच्या इतर बातम्या:






















