![ABP Premium](https://cdn.abplive.com/imagebank/Premium-ad-Icon.png)
अभिनेता शर्मन जोशीला पितृशोक; दिग्दर्शक अरविंद जोशी यांचं निधन
गुजराती थिएटरमधील एक मोठं नाव असलेलं अरविंद जोशी यांचं वयाच्या 84 व्या वर्षी निधन झालं आहे. त्यांनी अनेक हिंदी आणि गुजराती चित्रपटात कामही केलं आहे. (Sharman Joshi Father Arvind Joshi Passes Away).
![अभिनेता शर्मन जोशीला पितृशोक; दिग्दर्शक अरविंद जोशी यांचं निधन Sharman Joshi Father Arvind Joshi Passes Away अभिनेता शर्मन जोशीला पितृशोक; दिग्दर्शक अरविंद जोशी यांचं निधन](https://static.abplive.com/wp-content/uploads/sites/4/2021/01/29192636/IMG_20210129_094718.jpg?impolicy=abp_cdn&imwidth=1200&height=675)
मुंबई: अभिनेता शर्मन जोशी यांचे वडील आणि दिग्दर्शक अरविंद जोशी यांचे दीर्घ आजाराने वयाच्या 84 व्या वर्षी निधन झालं. पहाटे तीनच्या सुमारास मुंबईतील नानावटी हॉस्पिटलमध्ये त्यांनी अखेरचा श्वास घेतला. अभिनेता प्रेम चोप्रा यांनी या वृत्ताची पुष्टी केली. त्यामुळे गुजराती सिनेसृष्टीतला एक मोठा कलाकार काळाच्या पडद्याआड गेला आहे.
अरविंद जोशी यांनी अनेक गुजराती चित्रपटात काम केलं आहे. परंतु त्यांना खरी ओळख ही गुजराती नाटकांनी मिळवून दिली. त्यांनी अनेक गुजराती नाटकात काम केलं आहे आणि त्याचे दिग्दर्शनही केलं आहे. अरविंद जोशी यांनी 'इत्तेफाक', ''शोले' अपमान की आग, 'खरीदार', 'ठीकाना' 'नाम' यासारख्या अनेक हिंदी चित्रपटात सहाय्यक कलाकाराची भूमिका केली आहे. तसेच त्यांनी अनेक मालिकामधूनही अभिनय केला आहे.
रेड कार्पेटवर प्रियांकाच्या डिझायनंर ड्रेसनं केला विश्वासघात, पुढं असं काही झालं की...
अरविंद जोशींचे नातेवाईक आणि अभिनेता प्रेम चोप्रा म्हणाले की, "अरविंद एक चांगले व्यक्ती होते. गेल्या दोन आठवजड्यापासून ते नानावटी हॉस्पिटलमध्ये भरती होते. वयाच्या मानाने त्यांची तब्बेत खराब झाल्याने त्यांना हॉस्पिटलमध्ये दाखल करावं लागलं होतं. गुजराती थिएटरमध्ये त्यांनी दिलेल्या योगदानाची नेहमी दखल घेतली जाईल."
अरविंद जोशी यांचे अंतिम संस्कार मुंबईतील विले पार्ले या ठिकाणच्या स्मशान भूमीत हिंदू पद्धतीने करण्यात येणार आहे. त्यांच्या मागे त्यांचा मुलगा अभिनेता शर्मन जोशी, पत्नी आणि एक मुलगी मानसी जोशी रॉय असा परिवार आहे. मानसी जोशी रॉय हे नाव मनोरंजनाच्या दुनियेतील एक प्रसिद्ध नाव आहे आणि त्या अभिनेता रोहित रॉय यांच्या पत्नी आहेत.
अक्षय कुमार ते आलिया भट्टपर्यंत या कलाकारांकडे भारताचे नागरिकत्व नाही
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)
![उमेश अलोणे, एबीपी माझा](https://feeds.abplive.com/onecms/images/author/edf3be0fff591493dbcd992552913783.jpeg?impolicy=abp_cdn&imwidth=70)