Shah Rukh Khans Mannat: शाहरुख खानचा 'मन्नत' बंगला आतून कसा दिसतो? बेडरुमचा व्हिडीओ व्हायरल, घरासमोर समोर समुद्र अन्...
Shah Rukh Khans Mannat: शाहरुख खानच्या 'मन्नत'मधील बेडरुम असल्याचा दावा करणारा व्हिडीओ व्हायरल होत आहे.
Shah Rukh Khans Mannat Bedroom Video: बॉलिवूडचा किंग खान अर्थात शाहरुख खानच्या (Shahrukh Khan) वैयक्तिक आयुष्यात नेमकं काय घडतंय? हे जाणून घेण्यासाठी सगळे उत्सुक असतात. अभिनेत्याने आपल्या कारकि‍र्दीत बऱ्याच सिनेमांमध्ये मुख्य भूमिका साकारली आहे. त्याला 'रोमान्सचा किंग' (Romance King) असंही म्हटलं जातं. शाहरुखच्या सिनेमांसारखं त्याचं घरही तितकेच आलीशान (Entertainment) आहे. 'मन्नत' (Mannat) त्याच्या या घराची बरीच चर्चा होते. मुंबईतील वांद्रे येथे स्थित त्याचं घर कायम चर्चेचा विषय ठरला आहे. चाहते त्याच्या घराबाहेर कायम गर्दी करतात. शाहरुख खानच्या घराची बाहेरील बाजू इतकी आलिशान आणि भव्य दिसत असेल, तर आतून 'मन्नत' कसं दिसत असेल, हे जाणून घेण्यासाठी त्याचे चाहते कायम आतुर असतात.
'मन्नत'मधील बेडरुम असल्याचा दावा करणारा व्हिडीओ व्हायरल (Shahrukhs Mannat Bedroom Video Goes Viral)
सध्या सोशल मीडियावर एक व्हिडीओ तुफान व्हायरल होत आहे. ज्यामध्ये 'मन्नत' मधील एक बेडरुम दाखवल्याचा दावा केला जात आहे. या व्हायरल व्हिडीओमध्ये एक व्यक्ती दिसत आहे. ती व्यक्ती राजस्थानमधील असून, हेल्पर असल्याची माहिती आहे. दरम्यान, सोशल मीडियात असा दावा करण्यात येत आहे की, तो व्हिडीओ शाहरुख खानच्या घराचा आहे. पण याची अधिकृतपणे माहिती अद्याप समोर आलेली नाही. व्हिडीओची सुरुवात बेडरुमच्या झलकने होते. सुरुवातीला आलिशान मोठा बेड दिसत आहे. एक हेल्पर खिडतीजवळ काम करत आहे.
View this post on Instagram
खिडकीजवळ समुद्राचा नजारा दिसत आहे. नंतर 'मन्नत' च्या बाहेरील बाजू दिसत आहे. 'मन्नत' च्या गेट बाहेर बरेच लोक उभे असल्याचं दिसत आहे. हा व्हिडीओ 'मन्नत' चा असल्याचं म्हटलं जात आहे. व्हायरल व्हिडीओमध्ये ज्याप्रकारे आतील आणि बाहेरील बाजू दाखवण्यात आली आहे, त्यावरुन सोशल मीडियावर हा व्हिडीओ 'मन्नत' चा असल्याचा दावा करण्यात येत आहे. दरम्यान, हा व्हायरल व्हिडीओ नक्की 'मन्नत' चा आहे का? याची अधिकृत माहिती अद्याप समोर आलेली नाही.
व्हिडीओ सोशल मीडियात व्हायरल झाल्यानंतर, नेटकऱ्यांच्या विविध प्रतिक्रिया उमटत आहेत. काही जण हा व्हिडीओ फेक असल्याचं म्हटलं आहे. व्हिडीओमध्ये दाखवलेली खोली 'मन्नत' या बंगल्यामधील नाही, असं म्हटलं आहे. तर, एका वापरकर्त्याने गंमतीने म्हटले की, 'मला वाटले होते की, शाहरुख खानच्या बेडरुममध्ये सोनेरी आणि चांदीचे दिवे आणि काचेचा पलंग असेल. पण इथे सर्व काही सामान्य आहे'. सध्या या व्हिडीओची विशेष चर्चा होत आहे.
महत्त्वाच्या इतर बातम्या:
महत्त्वाच्या बातम्या
