Sanjay Dutt on Peace: मला आता भारतात पूर्वीसारखी शांतता जाणवत नाही, संजय दत्तच्या वक्तव्याने भुवया उंचावल्या, नेमकं काय म्हणाला?
Sanjay Dutt on India peace: भारतातील शांततेबाबत संजय दत्त नेमतं काय म्हणाली?

Sanjay Dutt on India Peace: बॉलिवू़ड अॅक्टर संजय दत्त (Sanjay Dutt) त्या कलाकारांपैकी एक आहे, जो प्रोफेशनल पेक्षा आपल्या पर्सनल लाइफमुळे चर्चेत असतो. संजय दत्त आपल्या वैयक्तिक आयुष्यामुळे बऱ्याचदा चर्चेत आला आहे. आपल्या कारकिर्दीत त्यांनी अनेक सिनेमांत काम केलं. सुपरहिट चित्रपटांसाठी त्याची विशेष ओळख आहे. संजय दत्त आपल्या बेधडक वक्तव्यांसाठी ओळखला जातो. विविध मुद्द्यांवर मनमोकळेपणाने बोलताना आपण अभिनेत्याला पाहिलं असेल. अशातच संजय दत्त याने मुलाखतीत असं काही वक्तव्य केलं, ज्यामुळे त्याची सध्या विशेष चर्चा (Entertainment) होत आहे. अभिनेत्याने अलिकडेच दिलेल्या मुलाखतीत, 'भारतात आता पूर्वीसारखी शांतता जाणवत नाही', असं त्याने म्हटलं. संजय दत्त असं का म्हणाला? याची सध्या चर्चा सोशल मीडियात रंगू लागली आहे.
अलिकडेच संजय दत्तने शेखर सुमन यांच्या 'शेखर टुनाईट' या कार्यक्रमात हजेरी लावली होती. गांधी जयंती विशेष भागासाठी संजय दत्त आपल्या 'मुन्नाभाई' अवतारात दिसला होता. अभिनेत्याला 5 मिनिटांसाठी स्वत:ला भारताचे पंतप्रधान म्हणून कल्पना करण्यास सांगितले होते. यावेळी संजय दत्तने भारताचे पंतप्रधान नरेंद्र मोदी, अमेरिकेचे अध्यक्ष डोनाल्ड ट्रम्प यांचा संदर्भ देत एक व्यंगात्मक भाषण दिले. या शोचा प्रोमो सध्या सोशल मीडियात व्हायरल होत आहे. त्याने यात्रा, राजनीतिक मुद्दे, मिसाईल्स आणि टॅरिफवर विनोद केला. तसेच आपल्या भाषणात 'गांधीगिरी' नमूद केले.
भारतात आता शांतता राहिलेली नाही - संजय दत्त (Sanjay Dutt Talks About India Peace And Politics)
भारताबद्दल संजय दत्त म्हणाले की, 'या देशातील लोक खूप प्रेमळ आहेत. इथे शांतता नांदायला हवी. मला आपल्या देशात आता पूर्वीसारखी शांतता जाणवत नाही. आपण भारतीय मोठ्या मनाचे आहोत. तसेच पाहुण्यांचा उत्तम पाहुणचार करतो. आम्ही खूप गोष्टी दिल्या आहेत. तसेच या गोष्टी तशाच राहायला हवे. मी भगवान शिव यांच्यासमोर प्रार्थना करतो की, ते दिवस परत येतील', असं संजय दत्त म्हणाला. यानंतर संजय दत्तला हलक्या - फुलक्या अंदाजात, 'जर तुम्हाला पाच मिनिटांसाठी पंतप्रधान करण्यात आले तर, देशाला काय संबोधित कराल?', असा प्रश्न विचारण्यात आला. संजय दत्त म्हणाले की, 'चांगलं आहे, निदान देशात काहीतरी घडत आहे. माझ्या प्रिय देशवासियांनो, आज मला तुमचा पंतप्रधान झाल्याचा खूप आनंद आहे. माझ्या अंगात एक विलक्षण लहर वाहत आहे. हा आपला देश किती मोठा आहे. कितीतरी लोक आहेत, सर्वांचीच जबाबदारी माझ्यावर आहे', असं संजय दत्त म्हणाला.
पंतप्रधान आणि परदेश दौऱ्यांबाबत विनोद करताना संजय दत्त म्हणाले की, 'तुम्ही लोक टेन्शन घेऊ नका. आपल्या पदाचा आनंद साजरा करण्यासाठी मी परदेशात जाणार नाही. मी इथेच राहेन. तुम्हा सर्वांसोबत राहेन. अन्यथा पीएम आणि जनतेमधील कनेक्शन कसे तयार होईल?', असं संजय दत्त म्हणाला.
महत्त्वाच्या इतर बातम्या:






















