कॅन्सर उपचारानंतर संजय दत्तने दाखवली नवीन खूण! म्हणाला.. लवकरच कॅन्सरवर मात करणार
संजय दत्तचा एक व्हिडीओ व्हायरल झाला आहे. लवकरच या आजारावर मात करेल, असा विश्वास संजय दत्तने व्हिडीओमध्ये व्यक्त केला आहे.
मुंबई : अभिनेता संजय दत्तच्या आयुष्यात किती चढउतार आले हे सर्वश्रुत आहे. संजय दत्तला तिसऱ्या स्टेजचा फुफ्फुसाचा कर्करोग झाला आहे. या विषयी संजय दत्त पहिल्यांदाच उघडपणे बोलला आहे. संजय दत्तचा एक व्हिडीओ व्हायरल झाला आहे. लवकरच या आजारावर मात करेल, असा विश्वास संजय दत्तने व्हिडीओमध्ये व्यक्त केला आहे. काही दिवसांपूर्वी त्याला कर्करोगाचं निदान झालं होत.
बुधवारी संध्याकाळी इन्स्टाग्रामवर पोस्ट केलेल्या व्हिडिओमध्ये संजय दत्त सुप्रसिद्ध हेअर स्टायलिस्ट आलिम हकीमच्या सलूनमध्ये केस कापताना दिसत आहे. केस कापल्यानंतर "ही खूण नुकतीच माझ्या आयुष्यात आली आहे पण मी त्याचा पराभव करीन, कर्करोगावर देखील मात करेल" असे म्हणाला आहे. काही दिवसांपूर्वीच संजय दत्तचा उपचारादरम्यानचा एक फोटो व्हायरल झाला होता. यामध्ये संजय दत्तची प्रकृती खालावली दिसलेली हा व्हिडीओ पाहिल्यानंतर संजय दत्तच्या तब्येतीत सुधारणा झालेली दिसत आहे.
संजय दत्तचा आगामी चित्रपट
'केजीफ पार्ट 2' मध्ये संजय दत्त यश या अभिनेत्यासोब झळकणार आहे. 'केजीएफ चॅप्टर 2' मधील संजय दत्तचा लूकही समोर आला होता. यात संजय दत्तचा वेगळाच अंदाज पाहायला मिळत आहे. तसंच हेराफेरी 3 आणि कोची कोची होता है या सिनेमांमध्येही तो दिसणार आहे. दरम्यान याआधी ती आशुतोष गोवारीकर यांच्या 'पानिपत' चित्रपटात दिसला होता, ज्यात त्याच्यासोब अर्जुन कपूर आणि कृती सेनन होती.
दत्त कुटुंब आणि कॅन्सर
दत्त कुटुंब हे बॉलिवूड आणि राजकारणातील नावाजलेलं नाव आहे. मात्र कॅन्सरसारखा जीवघेणा आजार या कुटुंबाची पाठ सोडायला तयार नाही. कारण संजय दत्त यांच्या मातोश्री आणि प्रसिद्ध अभिनेत्री नर्गिस दत्त यांचं देखील कॅन्सरने निधन झालं होतं. 3 मे 1981 रोजी स्वादुपिंडाच्या कर्करोगाने नर्गिस दत्त यांचं निधन झालं. तर संजय दत्तची पहिली पत्नी रिचा शर्मालाही कॅन्सरने हिरावलं होतं. मेंदूच्या कर्करोगामुळे त्यांचा मृत्यू झाला होता.
महत्त्वाच्या बातम्या
