Samantha Ruth Prabhu : समंथा ठरली सर्वाधिक मानधन घेणारी साऊथची दुसरी अभिनेत्री, एका चित्रपटासाठी आकारणार ‘इतके’ मानधन!

Samantha Ruth Prabhu : ‘फॅमिली मॅन 2’ या वेब सीरीजपासून हिंदी भाषिक प्रेक्षकांमध्ये समंथाची लोकप्रियता दिवसेंदिवस वाढत आहे. समंथा सध्या खूप चर्चेत आहे.

Samantha_Ruth_Prabhu_0000

Samantha Ruth Prabhu : दाक्षिणात्य अभिनेत्री समंथा रुथ प्रभू (Samantha Ruth Prabhu) ही साऊथ इंडस्ट्रीतील दुसऱ्या क्रमांकाची सर्वाधिक मानधन घेणारी अभिनेत्री ठरली आहे. ‘पुष्पा: द राइज’च्या यशानंतर, रश्मिका मंदना सर्वात जास्त मानधन घेणार्‍या अभिनेत्रींच्या यादीत पहिल्या स्थानावर होती आणि आता सामंथा रुथ प्रभू ही दुसरी सर्वाधिक मानधन घेणारी अभिनेत्री बनली आहे. समंथा रुथ प्रभूने ‘पुष्पा’ चित्रपटातील ‘ऊ अंटवा’ या गाण्यावर आपला जबरदस्त डान्स दाखवून लाखो प्रेक्षकांची मने जिंकली होती.

‘फॅमिली मॅन 2’ या वेब सीरीजपासून हिंदी भाषिक प्रेक्षकांमध्ये समंथाची लोकप्रियता दिवसेंदिवस वाढत आहे. समंथा सध्या खूप चर्चेत आहे. या सगळ्यासोबतच अभिनेत्रीने तिची फीही वाढवली आहे.

समंथा रुथ प्रभू दक्षिणेतील सर्वाधिक मानधन घेणारी दुसरी अभिनेत्री ठरली आहे. अभिनेत्री तिच्या बॉलिवूड पदार्पणापूर्वीच नवीन चित्रपटांसाठी 3 ते 5 कोटी घेत आहे. प्रोडक्शन हाऊस पाहून समंथा तिच्या फीची मागणी करते. रिपोर्ट्सनुसार, समंथाने ‘पुष्पा’ चित्रपटातील ‘ऊ अंटवा’ गाण्यासाठी पाच कोटी रुपये घेतले होते. अभिनेत्रीची ही फीस जाणून घेतल्यानंतर तुम्हाला नक्कीच आश्चर्याचा धक्का बसला असेल.

समंथा रुथ प्रभूच्या वर्कफ्रंटबद्दल बोलायचे झाले, तर नुकतेच तिच्या ‘शकुंतला’ या नवीन चित्रपटाचे पोस्टर रिलीज करण्यात आले आहे. या चित्रपटात अभिनेत्री एका सुंदर राणीच्या भूमिकेत दिसणार आहे. समांथाचे चाहते तिच्या या चित्रपटाची आतुरतेने वाट पाहत आहेत. यासोबतच ही अभिनेत्री ‘यशोदा’ या चित्रपटातही दिसणार आहे, सध्या या चित्रपटाचे कोणतेही पोस्टर रिलीज करण्यात आलेले नाही. रिपोर्ट्सनुसार मेकर्सनी ‘यशोदा’साठी करोडो रुपये खर्च केले आहेत. याशिवाय अभिनेत्रीच्या बकेटमध्ये इतरही अनेक चित्रपट आहेत. एवढेच नाही, तर रिपोर्ट्सनुसार, समंथा लवकरच बॉलिवूडमध्ये पदार्पण करणार आहे.

हेही वाचा :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha