Raja Shivaji Film Phool Parijat Song Released: 'राजा शिवाजी' सिनेमातलं 'फूल पारिजात' गाणं रिलीज; अजय-अतुल यांच्या सुरांतून महाराणी सईबाईंच्या प्रेमभावनेची हळवी झलक!
Raja Shivaji Film Phool Parijat Song Released: महाराजांची केवळ पराक्रमी योद्धा म्हणून नव्हे, तर संवेदनशील , भावनिक आणि प्रेमळ स्वभावाची बाजू या गीतातून जाणवते.
Raja Shivaji Film Phool Parijat Song Released: जिओ स्टुडिओज (Jio Studios) आणि मुंबई फिल्म कंपनी (Mumbai Film Company Private Limited) निर्मित 'राजा शिवाजी' सिनेमातील (Raja Shivaji Movie) 'फूल पारिजात' हे गाणं (Phool Parijat Song) रिलीज करण्यात आलं आहे. छत्रपती शिवाजी महाराज (Chhatrapati Shivaji Maharaj) आणि महाराणी सईबाई (Maharani Saibai) यांच्या नात्यातील प्रेम, आदर आणि समर्पणाची भावना या गीतातून अत्यंत सुंदरपणे उलगडली आहे. महाराजांची केवळ पराक्रमी योद्धा म्हणून नव्हे, तर संवेदनशील , भावनिक आणि प्रेमळ स्वभावाची बाजू या गीतातून जाणवते.
अजय-अतुल (Ajay Atul) यांच्या सुरेल संगीतानं सजलेलं हे गीत शांत, भावपूर्ण आणि अभिजात शैलीत साकारलं गेलं आहे. श्रेया घोषाल यांनी हे गाण गायली आहेत. गीतातील प्रत्येक सूर सईबाईंच्या मनातील प्रेम, समाधान आणि भक्तीभाव अधिक प्रभावीपणे व्यक्त करतो. विशेष म्हणजे, संगीत आणि शब्द यांचा समतोल राखत हे गीत कथानकाच्या भावनिक गाभ्याला अधिक ताकद देतं.
View this post on Instagram
'फूल पारिजात' या शीर्षकाप्रमाणेच गीतात पारिजाताच्या फुलाचं सुंदर रूपक वापरण्यात आलं आहे. सईबाईंच्या आयुष्यात छत्रपीत शिवाजी महाराजांचं स्थान हे एका दैवी आशीर्वादासारखं असल्याची भावना या गीतातून प्रकर्षानं जाणवते. त्यामुळे हे गीत केवळ प्रेमगीत न राहता, एका पवित्र आणि आत्मीय नात्याची भावपूर्ण अभिव्यक्ती ठरते. युद्ध, स्वराज्य आणि संघर्षाच्या पार्श्वभूमीवर 'फूल पारिजात' हे गाणं चित्रपटात एक सुंदर भावनिक क्षण निर्माण करतं. सईबाईंच्या नजरेतून उलगडणारं महाराजांचं कोमल रूप प्रेक्षकांना अधिक जवळून अनुभवायला मिळतं.
जिओ स्टुडिओज' प्रस्तुत आणि 'मुंबई फिल्म कंपनी' निर्मित, ज्योती देशपांडे आणि जिनिलिया देशमुख निर्मित, रितेश विलासराव देशमुख दिग्दर्शित 'राजा शिवाजी' हा भव्य ऐतिहासिक चित्रपट 1 मे 2026 मराठी आणि हिंदी भाषांमध्ये रिलीज झाला असून. चित्रपटगृहांमध्ये प्रेक्षकांकडून उत्स्फूर्त प्रतिसाद मिळत आहे.
पाहा संपूर्ण गाण्याचा व्हिडीओ :
महत्त्वाच्या इतर बातम्या :
महत्त्वाच्या बातम्या
