Riteish Deshmukh Raja Shivaji Advance Booking: 'आपला राजा, आपला अभिमान'; रितेश देशमुख याच्या 'राजा शिवाजी' सिनेमाचं अॅडव्हान्स बुकिंग सुरू
Riteish Deshmukh Raja Shivaji Advance Booking: ऐतिहासिक पार्श्वभूमी, दमदार कलाकारांची फळी आणि भव्य निर्मितीमूल्यांमुळे 'राजा शिवाजी' हा सिनेमा यंदाच्या वर्षातील सर्वात चर्चेत असलेल्या सिनेमांपैकी एक ठरत आहे.
Riteish Deshmukh Raja Shivaji Advance Booking: 'जिओ स्टुडिओज' (Jio Studios) आणि 'मुंबई फिल्म कंपनी' (Mumbai Film Company) प्रस्तुत बहुप्रतिक्षित ऐतिहासिक सिनेमा 'राजा शिवाजी'च्या (Raja Shivaji Movie) प्रदर्शनाची उत्सुकता दिवसेंदिवस वाढत असताना आता सिनेमाच्या मराठी आवृत्तीचं ॲडव्हान्स बुकिंग अधिकृतपणे सुरू करण्यात आलंय. या घोषणेमुळे प्रेक्षकांमध्ये उत्साहाचं वातावरण निर्माण झालं आहे. ऐतिहासिक पार्श्वभूमी, दमदार कलाकारांची फळी आणि भव्य निर्मितीमूल्यांमुळे 'राजा शिवाजी' (Raja Shivaji Movie Released Date) हा सिनेमा यंदाच्या वर्षातील सर्वात चर्चेत असलेल्या सिनेमांपैकी एक ठरत आहे.
अभिनेता, दिग्दर्शक, लेखक आणि निर्माता म्हणून रितेश विलासराव देशमुख (Riteish Vilasrao Deshmukh) यांनी या चित्रपटाचे नेतृत्व केले असून, त्यांच्या या महत्त्वाकांक्षी प्रकल्पाबद्दल प्रेक्षकांमध्ये आधीपासूनच मोठी उत्सुकता निर्माण झाली आहे. शिवचरित्रावर आधारित असलेला हा चित्रपट केवळ ऐतिहासिक कथा मांडत नाही, तर स्वाभिमान, शौर्य आणि नेतृत्वाची प्रेरणादायी गाथा मोठ्या पडद्यावर साकारण्याचा प्रयत्न करतो. त्यामुळे ॲडव्हान्स बुकिंग सुरू होताच इतिहास आणि स्वाभिमानाच्या मुळाशी असलेल्या या भव्य चित्रपटानुभवासाठी प्रेक्षक आपल्या जागांचे आरक्षण आताच निश्चित करू शकतात.
View this post on Instagram
'राजा शिवाजी'मध्ये हिंदी आणि मराठी चित्रपटसृष्टीतील अनेक दिग्गज कलाकारांची प्रभावी उपस्थिती पाहायला मिळणार आहे. संजय दत्त (Sunjay Dutt), अभिषेक बच्चन (Abhishek Bachchan), विद्या बालन (Vidya Balan), महेश मांजरेकर (Mahesh Manjrekar), सचिन खेडेकर (Sachin Khedekar), बोमन इराणी (Boman Irani), भाग्यश्री (Bhagyashree), फरदीन खान, जितेंद्र जोशी, अमोल गुप्ते आणि जिनिलिया देशमुख यांसारख्या कलाकारांचा भव्य संच या चित्रपटाला अधिक मोठेपणा प्रदान करतो. या कलाकारांच्या दमदार अभिनयासोबतच भव्य सेट्स, उत्कृष्ट तांत्रिक मांडणी आणि प्रभावी दृश्यरचना यामुळे चित्रपटाकडून प्रेक्षकांच्या अपेक्षा आणखी वाढल्या आहेत.
'जिओ स्टुडिओज'द्वारे सादर करण्यात आलेला आणि 'मुंबई फिल्म कंपनी'ची निर्मिती असलेला हा चित्रपट ज्योती देशपांडे आणि जिनिलिया देशमुख यांनी निर्मित केला आहे. छत्रपती शिवाजी महाराजांच्या जीवनप्रवासावर आधारित हा ऐतिहासिक सिनेमा शौर्य, नेतृत्त्व, स्वराज्याची प्रेरणा आणि महाराष्ट्राच्या गौरवशाली इतिहासाचे दर्शन घडवणारा ठरणार आहे. इतिहासाच्या भव्यतेला आणि भावनिक गाभ्याला मोठ्या पडद्यावर साकारत हा चित्रपट प्रेक्षकांना एका प्रेरणादायी आणि नेत्रदीपक सिनेमॅटिक प्रवासावर घेऊन जाणार आहे.
'राजा शिवाजी' हा सिनेमा 1 मे 2026 रोजी जगभरातील चित्रपटगृहांमध्ये मराठी आणि हिंदी भाषांमध्ये प्रदर्शित होणार आहे. ॲडव्हान्स बुकिंग सुरू झाल्यानं आता प्रेक्षकांना या भव्य ऐतिहासिक प्रवासाचा भाग होण्याची संधी मिळाली आहे. भव्यता, भावनिक ओढ, नेत्रदीपक दृश्ये आणि इतिहासाचा अभिमान यांचा संगम असलेला 'राजा शिवाजी' प्रेक्षकांसाठी एक संस्मरणीय चित्रपटानुभव ठरणार आहे.
पाहा ट्रेलर : 'राजा शिवाजी' सिनेमाचा ट्रेलर
महत्त्वाच्या इतर बातम्या :
Before You Go
Majha Sanman Award 2026: अरुण फिरोदिया यांचा उद्योगक्षेत्रातील अतुलनीय कामगिरीबद्दल ‘माझा सन्मान’ पुरस्काराने गौरव
महत्त्वाच्या बातम्या
