Ravi Kishan gets Trolled: 'मी 7 स्टार हॉटेलमध्येही खिचडीच खातो'; रवि किशन यांनी सांगितली गरिबीची कहाणी, नेटकऱ्यांनी केलं ट्रोल
Ravi Kishan Gets Trolled: रवि किशन पुन्हा एकदा ट्रोलर्सच्या निशाण्यावर, मुलाखतीत नेमकं काय म्हणाले?
Ravi Kishan Gets Trolled in Social Media: भाजप खासदार आणि अभिनेता रवि किशन (Ravi Kishan) सध्या इंटरनेटवर धुमाकूळ घालत आहे. त्यांचे व्हिडीओ आणि फोटो सध्या सोशल मीडियात (Social Media) व्हायरल होत आहे. अलिकडेच रवि किशन आपल्या वक्तव्यामुळे चर्चेत आला आहे. त्याने मुलाखतीत आपल्या गरिबीचा आणि संघर्षाच्या दिवसांची आठवण सांगितली. रवि किशन यांनी मुलाखतीत सांगितलं की, 'आर्थिक अडचणींचा (Social Media) आजही त्यांच्या विचारांवर परिणाम होतो', असं त्यांनी सांगितलं. 'यश मिळवल्यानंतरही ते सेव्हन स्टार हॉटेल्समध्ये महागडे जेवण मागवणे टाळतात आणि आपले कपडे लॉन्ड्रीमध्ये देण्यास संकोच करतात'. या वक्तव्यामुळे सोशल मीडियावर नेटकऱ्यांनी प्रतिक्रियांचा पाऊस पाडला आहे. आधीच चर्चेत असणारे रवि किशन पुन्हा एकदा नवीन वक्तव्यामुळे चर्चेत आले आहेत.
रवि किशन पुन्हा एकदा नेटकऱ्यांच्या निशाण्यावर (Ravi Kishan Gets trolled in Social media)
रवि किशन यांच्याकडे प्रचंड संपत्ती आहे. अभिनेता ते राजकारणात पाऊल. त्यांनी कष्टातून सर्व काही मिळवलं आहे. हे सर्व मिळवण्यासाठी त्यांना कठीण काळाचा सामना करावा लागला. नुकत्याच दिलेल्या मुलाखतीत रवि किशन यांनी, गरिबीतील दिवस विसरलेलो नाही, असं सांगितलं. खडतर दिवसांची आठवण काढत रवि किशन म्हणाले की, '7 स्टार हॉटेलमध्ये जाऊन सुद्धा महागडे पदार्थ मागवण्यापेक्षा खिचडी मागवतो', असं त्यांनी सांगितलं. सध्या त्यांचं वक्तव्य सोशल मीडियात चर्चेचा विषय बनला आहे.
मुलाखतीत रवि किशन म्हणाले की, 'मी अशी गरिबी पाहिली आहे की, जेव्हा पण 7 स्टार हॉटेलमध्ये मी जातो, तेव्हा मी चांगले पदार्थ ऑर्डर करत नाही. मग ते प्रोडक्शनचे पैसे असो, माझ्या स्वत:चे पैसे असो किंवा माझ्या राजकीय पक्षाचा प्रचार असो. आजही मी केवळ साधी खिचडीच मागवतो. हेच नाही, मी माझे कपडे, लॉन्ड्रीलाही द्यायला कचरतो. गोरखपूर असो, मुंबई असो किंवा दिल्ली...मी विचार करतो की, घरीच कपडे धुवावेत. पूर्वीतील गरिबी अजूनही माझ्या मनात घर करुन आहे', असं रवि किशन म्हणाले.
रवि किशन यांचा हा मुलाखतीचा व्हिडीओ सध्या सोशल मीडियात तुफान व्हायरल होत आहे. नेटकऱ्यांनी मुलाखतीतील बऱ्याच क्लिप्स सोशल मीडियात व्हायरल केल्या आहेत. एका नेटकऱ्याने कमेंटमध्ये लिहिले की, 'आम्ही गरिबी 2.O पाहिली आहे', तर आणखी एका नेटकऱ्याने कमेंटमध्ये म्हटलं की, 'नेताजी तुम्ही फक्त गरिबी पाहिली आहे, आम्ही ती अनुभवली देखील आहे', असं म्हटलं आहे. सध्या रवि किशन यांची मुलाखत सोशल मीडियात व्हायरल होत आहे.
महत्त्वाच्या इतर बातम्या:
Before You Go
Tiger Shroff Car Attack: बॉलिवूडमधली पहिली सुपारी ते टायगर श्रॉफवर गोळीबार, VIDEO
महत्त्वाच्या बातम्या
