Dhurandhar: आता घरबसल्या 'Dhurandhar' बघा, वर्ल्ड टेलिव्हिजन प्रीमिअर डेट कन्फर्म, कधी अन् कोणत्या चॅनेलवर पाहता येणार?
Dhurandhar TV Premiere Date Out: सिनेमागृहात धुमाकूळ घातल्यानंतर आता धुरंधर हा सिनेमा आपल्याला घरबसल्या पाहता येणार आहे.
Dhurandhar TV Premiere: आदित्य धर दिग्दर्शित आणि रणवीर सिंह स्टारर 'धुरंधर: द रिव्हेंज' (Dhurandhar 2) बॉक्स ऑफिसवर धुमाकूळ घालत आहे. 'धुरंधर 2' आधी 'धुरंधर' ने बॉक्स ऑफिसवरील बरेच रेकॉर्ड्स मोडले. केवळ भारतच नाही तर, जगभरात या सिनेमाने धुमाकूळ घातला. सध्या 'धुरंधर 2' सिनेमागृहात धुरळा उडवत आहे. तब्बल 12 दिवसांत या सिनेमानं 12 कोटींचा टप्पा पार केला. दरम्यान, 'धुरंधर' या चित्रपटाविषयी एक मोठी अपडेट समोर येत आहे. लवकरच हा सिनेमा आता आपल्याला घरबसल्या (TV Premier) पाहता येणार आहे.
'धुरंधर' हा चित्रपट ज्यांना थिएटरमध्ये पाहता आला नाही, त्यांच्यासाठी खरंतर आनंदाचीच बातमी म्हणावी लागेल. आता घरबसल्या पॉपकॉर्नचा आस्वाद घेत 'धुरंधर' या सिनेमाचा आनंद आपण आपल्या फॅमिलीसोबत लुटू शकता. सर्वात ब्लॉकबस्टर चित्रपटांपैकी एक असलेला 'धुरंधर' आता थेट तुमच्या टीव्ही स्क्रिनवर येत आहे. स्ट्रीमिंग सब्सक्रिप्शनशिवाय आपण घरबसल्या टीव्ही स्क्रीनवर या चित्रपटाचा आनंद घेऊ शकता. पण हा सिनेमा टीव्हीवर कधी रिलीज होणार? हा प्रश्न सध्या प्रेक्षक वर्गाला पडला आहे.
'धुरंधर' टीव्हीवर कधी आणि कोणत्या चॅनेलवर रिलीज होणार?
'धुरंधर पार्ट 1' हा सिनेमा 2025 या साली सिनेमागृहात रिलीज झाला होता. डिसेंबर महिन्यात हा सिनेमा प्रेक्षकांच्या भेटीस आला होता. 30 जानेवारीला हा सिनेमा ओटीटी प्लॅटफॉर्म नेटफ्लिक्सवर स्ट्रीम झाला होता. भारतात या सिनेमाची क्रेझ काही कमी झालेली नाही. अखेर, या चित्रपटाचे निर्माते स्पाय थ्रिलर फिल्म टीव्ही प्रेक्षकांसाठी घेऊन येत आहे. हा चित्रपट 30 मे 2026 रोजी, सायंकाळी 7 वाजता स्टार वाहिनीवर प्रीमिअर होणार आहे.
View this post on Instagram
ज्यांना हा चित्रपट सिनेमागृहात पाहता आला नाही. त्यांच्यासाठी ही आनंदाची बातमी म्हणावी लागेल. 'धुरंधर पार्ट 1' ची घोषणा करताना, स्टार गोल्डने इन्स्टाग्रामवर एक पोस्ट शेअर केली आहे. वाहिनीच्या इन्स्टाग्राम अकाऊंटवर पोस्ट शेअर करत एक कॅप्शन देखील दिलं आहे. 'प्रेक्षकांनो आता खरी मज्जा येणार. धुरंधरचा वर्ल्ड टेलिव्हिजिन प्रीमिअर येत आहे. 30 मे 2026.. सायंकाळी 7 वाजता. फक्त स्टार गोल्डवर..'. सध्या ही पोस्ट सोशल मीडियात व्हायरल होत आहे.
'धुरंधर' या चित्रपटाने बॉक्स ऑफिसवर अक्षरश: धुमाकूळ घातला आहे. कमर्शियली हा सिनेमा हिट ठरला. इंडस्ट्री ट्रॅकर सॅकनिल्कनुसार, धुरंधर या चित्रपटाने जगभरात 1307.35 कोटींची कमाई केली. हा सर्वाधिक कमाई करणाऱ्या भारतीय चित्रपटांपैकी एक बनला आहे. या चित्रपटाचे लेखन आणि दिग्दर्शन आदित्य धर यांनी केले असून, जिओ स्टुडिओज आणि बी62 स्टुडिओजच्या बॅनरखाली हा सिनेमा तयार करण्यात आला आहे. रणवीर सिंहसह या चित्रपटात अक्षय खन्ना, अर्जून रामपाल, संजय दत्त, आर. माधवन, राकेश बेदी आणि सारा अर्जून यांच्या महत्त्वाच्या भूमिका आहेत.
महत्त्वाच्या बातम्या
