रणदीप हुडाने मायावतींवर केलेला डर्टी जोक होतोय व्हायरल!

काही दिवसांपासून अभिनेता रणदीप हुडा चर्चेत आला आहे. काही दिवसांपूर्वी सलमान खानच्या राधे चित्रपटात मुख्य खलनायकाची भूमिका त्याने वठवली होती. पण आता सध्या ट्विटरवर काही व्हायरल झालेल्या व्हिडिओतून रणदीप खरोखरीच खलनायक होतोय की काय अशी शंका नेटिझन्सना वाटू लागली आहे.

Randeep_Hooda

मुंबई : गेल्या काही दिवसांपासून अभिनेता रणदीप हुडा चर्चेत आला आहे. काही दिवसांपूर्वी सलमान खानच्या राधे चित्रपटात मुख्य खलनायकाची भूमिका त्याने वठवली होती. पण आता सध्या ट्विटरवर काही व्हायरल झालेल्या व्हिडिओतून रणदीप खरोखरीच खलनायक होतोय की काय अशी शंका नेटिझन्सना वाटू लागली आहे. याला कारण ठरला आहे रणदीपचा व्हायरल झालेला व्हिडिओ आणि त्यात त्याने केलेला डर्टी जोक. 

 

हा विनोद फारसा जुना वाटत नाही. त्यात दिसणारा रणदीप पाहिल्यास साधारण तीन वर्षांपूर्वीचा हा व्हिडिओ असावा असं वाटतं. कारण या व्हिडिओमध्ये तारीख वार ठिकाण कळत नाही. हा जुना व्हिडिओ आजवर कधी वर आला नव्हता. पण मंगळवारपासून हा व्हिडिओ ट्विटरवर व्हायरल होतो आहे. त्यावर नेटिझन्सनी त्याला संतापून काही प्रश्नही विचारले आहेत. या व्हिडिओमध्ये रणदीप छोटेखानी कार्यक्रमात दिसतो. व्यासपीठावर उभं राहून तो उपस्थितांशी संवाद साधतो आहे. व्यासपीठावर इतरही काही मान्यवर आहेत. त्यांच्याशी बोलता बोलता तो आता मी तुम्हाला एक डर्टी जोक सांगतो असं सांगत त्याने हा जोक सांगायला सुरूवात केली आहे. या जोकमध्ये त्याने उत्तरप्रदेशच्या माजी मुख्यमंत्री मायावती यांचं नाव घेऊन हा जोक सांगितला आहे. खरंतर यातला आशय हा आक्षेपार्ह आहेच. शिवाय, तो धार्मिक तेढ निर्माण करतो आणि लैंगिक भेदाभेदाचा पुरस्कार करतो. 

 

यावर नेटकऱ्यांनी रणदीपची यथेच्छ कानउघडणी केली आहे. अनेकांनी हा विनोद असभ्य असल्याचं म्हटलं आहेच शिवाय, रणदीपला जातीय भेदाभेद मानणाराही ठरवलं आहे. या व्हिडिओ खाली आलेल्या कमेंट पाहता रणदिप एकतर मृत झाला आहे किंवा तो सवर्ण आहे असं मत मांडण्यात आलं आहे. तर अनेकांनी मायावती सवर्ण असत्या तर तू हे बोलू शकला असतास का असा प्रश्नही विचारला आहे. एरवी फारशा चर्चेत नसलेल्या रणदीपची या व्हिडिओमुळे मात्र नेटकऱ्यांनी यथेच्छ धुलाई केलेली ट्विटरवर पाहायला मिळते.