Ramayana Teaser Released: चेहऱ्यावर शांत, संयमी भाव अन् डोळ्यांतलं तेजस्वी तेज; रणबीर कपूरच्या 'रामायण'ची पहिली झलक पाहिलीत? VIDEO
Ramayana Teaser Released: नितेश तिवारी यांनी दिग्दर्शित आणि नमित मल्होत्रा यांनी निर्मित केलेल्या या चित्रपटानं, आपल्या टीझरनं प्रेक्षकांना भुरळ घातल्याचं दिसून येतंय.
Ramayana Teaser Released: रणबीर कपूरच्या (Ranbit Kapoor) बहुप्रतिक्षित सिनेमा 'रामायणा'चा टीझर (Ramayana Teaser) प्रदर्शित झालाय. नितेश तिवारी (Nitesh Tiwari) दिग्दर्शित 'रामायण' (Ramayana Movie) या सिनेमाची पहिली झलक हनुमान जयंतीच्या (Hanuman Jayanti) शुभ मुहूर्तावर प्रेक्षकांसमोर सादर करण्यात आलीय. प्रभू श्रीरामांच्या (Prabhu Shree Ram) भूमिकेत रणबीर कपूर (Actor Ranbir Kapoor) कसे दिसणार, याची उत्सुकता चाहत्यांमध्ये मोठ्या प्रमाणात होती आणि अखेर 2.38 मिनिटांचा टीझर प्रदर्शित होताच ही प्रतीक्षा संपली. या टीझरमध्ये रणबीर कपूरचा श्रीरामाच्या भूमिकेतील पहिला लूक उलगडण्यात आला असून, 'राम' या पात्राची प्रभावी ओळख करून देण्यात आली आहे. तसेच, त्यांच्या जीवनातील काही महत्त्वाच्या घटनांची झलकही यातून दाखवण्यात आलीय. पृथ्वीचे रक्षण करणारे, पराक्रमी आणि मर्यादापुरुषोत्तम अशा प्रभू श्रीरामांच्या भूमिकेत रणबीर कपूर प्रभावी दिसत असून, टीझरमध्ये काही भव्य अॅक्शन सीन्स आणि आकर्षक VFX ची झलकही पाहायला मिळालीय.
रणबीर कपूरच्या आगामी बहुप्रतिक्षित आणि भव्य-दिव्य सिनेमा 'रामायणा'चा टीझर प्रदर्शित करण्यात आलाय. नितेश तिवारी यांनी दिग्दर्शित आणि नमित मल्होत्रा यांनी निर्मित केलेल्या या चित्रपटानं, आपल्या टीझरनं प्रेक्षकांना भुरळ घातल्याचं दिसून येतंय. हिंदू महाकाव्य 'रामायणा'ची कथा सर्वांनाच परिचित असली, तरी नमित मल्होत्रा यांच्या या सिनेमाद्वारे ती ज्या अफाट भव्यतेसह मोठ्या पडद्यावर साकारण्यात आली आहे, ती खरोखरच अभूतपूर्व आहे.
रणवीर कपूर प्रभू श्रीरामाच्या भूमिकेत (Ranbir Kapoor In Rama Avatar)
'रामायण'च्या टीझरमध्ये रणबीर कपूर प्रभू श्रीरामाच्या भूमिकेत दिसतोय. गेल्या अनेक दिवसांपासून रणवीरला रामाच्या भूमिकेत पाहण्यासाठी त्याचे चाहते आतूर होते. अखेर 'रामायण'चा पहिला लूक समोर आलाय. हनुमान जयंतीच्या दिवशी 'रामायण' सिनेमाचा पहिला टीझर रिलीज करण्यात आलाय.
2 मिनिटं 38 सेकंदांचा हा टीझर अगदी खिळवून ठेवतो. टीझरमध्ये प्रभू श्रीरामांच्या भूमिकेत झळकणाऱ्या रणबीर कपूरवर नजर खिळून राहते. रामाच्या रूपात असलेल्या रणवीरचं सौम्य, शांत आणि शक्तिशाली व्यक्तिमत्व दिसतंय. महत्त्वाची गोष्ट म्हणजे, टीझरमध्ये एकही डायलॉग दिसत नाही फक्त म्युझिकवर टीझर पाहायला मिळतोय. सीन्स आणि व्हीएफएक्स अगदी भव्य आणि पाहण्यासारखे आहेत.
'रामायण'चा टीझर पाहिलात? (Ramayana Teaser VIDEO)
महत्त्वाच्या बातम्या
