प्रतीक्षा संपली! रणबीर कपूरच्या ‘रामायण पार्ट 1’चा ट्रेलर येणार या दिवशी, 4000 कोटींची फिल्म धुमाकुळ घालणार?
या स्क्रीनिंगला सकारात्मक प्रतिसाद मिळाल्याने चित्रपटाच्या टीमचा आत्मविश्वास वाढल्याचं सांगितलं जात आहे.
Ramayan 1 Trailer : रणबीर कपूरची मुख्य भूमिका असणारा बहुप्रतिक्षित ‘रामायण पार्ट 1’बाबत मोठी अपडेट समोर आली आहे. नितेश तिवारी दिग्दर्शित मल्होत्रा निर्मित हा भव्य चित्रपट यंदाच्या दिवाळीत प्रदर्शित होणार असून आता त्याच्या ट्रेलरच्या रिलीजबाबतही चर्चा रंगल्या आहेत.
‘रामायण’ हा चित्रपट केवळ भारतातच नव्हे तर जागतिक स्तरावर पोहोचवण्याचा मेकर्सचा मोठा प्लॅन आहे. नुकतीच रणबीर कपूर, साई पल्लवी आणि यश यांच्या प्रमुख भूमिका असलेल्या या चित्रपटाची खास स्क्रीनिंग अमेरिकेतील लॉस एंजेलिस येथे निवडक प्रेक्षकांसाठी करण्यात आली. या स्क्रीनिंगला सकारात्मक प्रतिसाद मिळाल्याने चित्रपटाच्या टीमचा आत्मविश्वास वाढल्याचं सांगितलं जात आहे.
अमेरिकेत होणार ट्रेलर लॉन्च
मिळालेल्या माहितीनुसार, ‘रामायण पार्ट 1’चा ट्रेलर अमेरिकेतील कॅलिफोर्नियामध्ये होणाऱ्या प्रतिष्ठित सॅन डिएगो कॉमिक-कॉन फेस्टिव्हलमध्ये रिलीज करण्याची तयारी सुरू आहे. नमित मल्होत्रा यांनी या भव्य प्रोजेक्टला भारतातील सर्वात महागडा चित्रपट असल्याचं यापूर्वीच म्हटलं आहे. त्यामुळे ट्रेलरही जागतिक मंचावरून लॉन्च करण्याचा मेकर्सचा प्रयत्न आहे.
रामायण’ला केवळ भारतीय धार्मिक कथा म्हणून नव्हे तर भव्य सिनेमॅटिक अनुभव म्हणून जागतिक स्तरावर सादर करण्याचा मेकर्सचा मानस आहे. सहसा कॉमिक-कॉनसारख्या मंचावर हॉलीवूडच्या मोठ्या फ्रँचायझी चित्रपटांचे ट्रेलर आणि खास झलक दाखवल्या जातात. त्यामुळे अशा प्रतिष्ठित व्यासपीठावर ‘रामायण’चा समावेश होणे ही स्वतःमध्ये मोठी गोष्ट मानली जात आहे.
दरम्यान, नुकतीच लॉस एंजेलिसमध्ये चित्रपटाची खास स्क्रीनिंग आयोजित करण्यात आली होती. निवडक प्रेक्षकांना चित्रपटातील काही भाग दाखवण्यात आले आणि त्याला उत्स्फूर्त सकारात्मक प्रतिसाद मिळाल्याचे समोर आले आहे. विशेषतः चित्रपटातील व्हिज्युअल इफेक्ट्स, भव्य सेट डिझाइन आणि मोठ्या प्रमाणावर उभारलेले सीन्स यांची प्रेक्षकांनी मनापासून प्रशंसा केली. या सकारात्मक प्रतिसादामुळे मेकर्सचा आत्मविश्वास अधिकच वाढला असून ‘रामायण’ विविध देशांतील प्रेक्षकांनाही आकर्षित करेल, असा त्यांना विश्वास वाटू लागला आहे.
ट्रेलर कधी येणार?
कॉमिक-कॉनचे आयोजन यंदा 23 ते 26 जुलैदरम्यान होणार आहे. या कालावधीत ‘रामायण पार्ट 1’चा ट्रेलर प्रेक्षकांसमोर येण्याची शक्यता वर्तवली जात आहे. या आंतरराष्ट्रीय प्लॅटफॉर्ममुळे चित्रपटाला मोठी ग्लोबल ओळख मिळेल, अशी मेकर्सची अपेक्षा आहे. दरम्यान, रणबीर कपूर रामाच्या भूमिकेत दिसणार असल्याने चाहत्यांची उत्सुकता शिगेला पोहोचली आहे. आता ट्रेलर कधी समोर येतो आणि चित्रपट बॉक्स ऑफिसवर किती मोठा धमाका करतो, याकडे सगळ्यांचं लक्ष लागलं आहे.
महत्त्वाच्या बातम्या
