Ram Charan : प्रसिद्ध दिग्दर्शक एस. एस. राजामौली (SS Rajamouli) यांचा आरआरआर (RRR) चित्रपट 25 मार्च रोजी प्रदर्शित झाला होता. या चित्रपटाला सध्या प्रेक्षकांची पसंती मिळत आहे. बॉक्स ऑफिसवर या चित्रपटानं चांगली कमाई केली आहे. या चित्रपटाच्या यशानंतर आता अभिनेता राम चरण (Ram Charan) यानं त्याच्या क्रू मेंबर्सला सरप्राइज दिलं आहे.
आरआरआरच्या क्रू मेंबर्सच्या 35 लोकांच्या यूनिटला राम चरणनं सोन्याची नाणी गिफ्ट केली आहे. या नाण्यावर एका बाजूला राम चरण लिहिलेलं आहे. तर दुसऱ्या बाजूला आरआरआर चित्रपटाचं साइन आहे. तसेच राम चरणनं चित्रपटाच्या क्रू मेंबरला त्याच्या हैद्राबादमधील घरी ब्रेकफास्टसाठी देखील बोलवलं. त्याने मिठाई आणि जवळपास 11.6 ग्राम सोन्याचे नाणं प्रत्येक क्रू मेंबरला दिलं. या एका सोन्याच्या नाण्याची किंमत 55,000 ते 60,000 रूपये आहे. आरआरआरनं बॉक्स ऑफिसवर आता पर्यंत 819 कोटींची कमाई केली आहे. हा सिनेमा तेलुगू, हिंदी, तामिळ, मल्याळम आणि कन्नड या भाषांमध्ये प्रदर्शित झाला.
आंध्र प्रदेश आणि तेलंगणामध्ये 400 कोटींची कमाई करून या चित्रपटानं बाहुबली-2 या चित्रपटाचा रेकॉर्ड तोडला आहे. आंध्र प्रदेश आणि तेलंगणामध्ये या चित्रपटानं रिलीज झाल्यानंतर पहिल्याच दिवशी 73.92 कोटींची कमाई केली होती. राम चरणसोबतच या चित्रपटामध्ये आलिया भट्ट, अजय देवगन , ज्युनियर एनटीआर यांनी देखील प्रमुख भूमिका साकारली.
संबंधित बातम्या
- Sri lanka Curfew : श्रीलंकेत 36 तासांचा कर्फ्यू हटवला, नवीन मंत्रिमंडळ स्थापन होणार, पंतप्रधान करणार संबोधित
- ...तर आपलीही अवस्था श्रीलंकेसारखी होईल, पंतप्रधान मोदींसोबतच्या बैठकीत वरिष्ठ अधिकाऱ्यांकडून चिंता व्यक्त
- आणीबाणी जाहीर केल्यानंतर श्रीलंकेत निदर्शने, कर्फ्यूचे उल्लंघन केल्याप्रकरणी 600 पेक्षा जास्त जणांना अटक
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha