Alia Bhatt : 'लग्ना आधीच...'; आलियाच्या प्रेग्नेंसीवर राखी सावंतची भन्नाट रिअॅक्शन
राखी सावंतनं (Rakhi Sawant) तिच्या हटके स्टाईलनं आलिया आणि रणबीरला शुभेच्छा दिल्या आहेत.
Alia Bhatt : अभिनेत्री आलिया भटनं (Alia Bhatt) 27 जून रोजी सोशल मीडियावर एक पोस्ट शेअर करुन चाहत्यांना गूड न्यूज दिली आहे. आलिया भट आणि अभिनेता रणबीर कपूर (Ranbir Kapoor) यांच्या घरी लवकरच एका चिमुकल्या पाहूण्याचे आगमन होणार आहे. आलियानं सोशल मीडियावर रणबीरसोबतचा एक फोटो शेअर केला होता. या फोटोला आलियानं कॅप्शन दिलं 'आमचं बाळ लवकरच येत आहे'. आलियानं शेअर केलेल्या फोटोला अनेकांनी कमेंट करुन तिला शुभेच्छा दिल्या. आता राखी सावंतनं (Rakhi Sawant) देखील आलिया आणि रणबीरला शुभेच्छा दिल्या आहेत. पण राखीनं तिच्या हटके स्टाईलनं आलियाच्या प्रेग्नेंसीवर रिअॅक्शन दिली.
काय म्हणाली राखी?
राखीच्या व्हायरल झालेल्या एका व्हिडीओमध्ये काही लोक राखीला आलिया आणि रणबीरच्या गूड न्यूजबाबत सांगताना दिसत आहेत. यावर राखीनं रिअॅक्शन दिली, 'मी कधी प्रेग्नंट होणार? लग्नाआधी देखील चालेल. सध्या असंच होतंय लग्नाआधीच लोक प्रेग्नंट होत आहेत. ' नेटकऱ्यांनी या व्हिडीओला कमेंट करुन राखी ही आलियाला ट्रोल करत आहे, असा अंदाज लावला.
पाहा व्हिडीओ:
View this post on Instagram
राखी ही सध्या आदिल दुर्रानीला डेट करत आहे. राखीचे आदिलसोबतचे व्हिडीओ आणि फोटो सोशल मीडियावर व्हायरल होत असतात. बिग बॉस या शोमुळे राखीला लोकप्रियता मिळाली. राखी तिच्या विनोदी वक्यव्यामुळे चर्चेत असते.
आलिया भट्ट आणि रणबीर कपूरनं 14 एप्रिल 2022 रोजी लग्नगाठ बांधली. मोजक्या पाहूण्यांच्या उपस्थितीमध्ये रणबीर आणि आलियाचा लग्न सोहळा पार पडला. आलियानं तिच्या विवाह सोहळ्यातील फोटो सोशल मीडियावर शेअर केले होते. आलिया-रणबीरच्या लग्नसोहळ्यात अनेक सेलिब्रिटींनी हजेरी लवाली. ब्रह्मास्त्र या चित्रपटाच्या सेटवर आलिया आणि रणबीरच्या मैत्रीचे रुपांतर प्रेमात झाले. त्यानंतर दोघांनी लग्न करण्याचा निर्णय घेतला. रणबीर आणि आलियाचा ब्रह्मास्त्र हा चित्रपट लवकरच प्रेक्षकांच्या भेटीस येणार आहे.
हेही वाचा:
महत्त्वाच्या बातम्या
