Raja Shivaji Box Office Collection: 'राजा शिवाजी'चा दुसरा आठवडाही दमदार; बॉक्स ऑफिस गाजवलं, पण 100 कोटींपर्यंतची वाट अजूनही खडतर, आतापर्यंत किती कमाई?
Raja Shivaji Box Office Collection: छत्रपती शिवाजी महाराजांच्या जीवनावर आधारित या महाकाव्याने प्रेक्षकांच्या प्रचंड कौतुकाच्या जोरावर दुसऱ्या आठवड्यातही आपली सातत्यपूर्ण घोडदौड कायम ठेवली आहे.
Raja Shivaji Box Office Collection Second Weak: रितेश देशमुख दिग्दर्शित 'राजा शिवाजी' (Raja Shivaji) सिनेमानं दोन आठवड्यांत 84.70 कोटींचा टप्पा ओलांडत आपली स्थित घौडदौड कायम ठेवलीय. तसेच, आता हा सिनेमा तिसऱ्या आठवड्यासाठी सज्ज झाला आहे. अशातच, 'राजा शिवाजी' 100 कोटींच्या क्लबपासून काहीच पावलं दूर आहे, पण तिथपर्यंतची त्याची वाट काहीशी खडतर आहे. (Box Office Collection)
जिओ स्टुडिओज आणि मुंबई फिल्म कंपनी निर्मित रितेश देशमुख दिग्दर्शित 'राजा शिवाजी' सिनेमानं बॉक्स ऑफिसवर आपली पकड कायम ठेवली आहे. दुसऱ्या आठवड्याचा शेवट 84.70 कोटींच्या निव्वळ भारतीय एकूण कमाईसह केला आहे.
आतापर्यंतची घोडदौड कशी?
विक्रमी ओपनिंगसह इतिहास रचल्यानंतर आणि कोणत्याही मराठी चित्रपटासाठी आतापर्यंतचा सर्वात मोठा पहिला आठवडा दिल्यानंतर, छत्रपती शिवाजी महाराजांच्या जीवनावर आधारित या महाकाव्याने प्रेक्षकांच्या प्रचंड कौतुकाच्या जोरावर दुसऱ्या आठवड्यातही आपली सातत्यपूर्ण घोडदौड कायम ठेवली आहे. एक मे रोजी प्रदर्शित झालेल्या या चित्रपटाने ओपनिंग डे लाच 11.35 कोटी रुपयांची नेट कमाई करत बॉक्स ऑफिस हादरवलं होतं. 6,192 शोजमध्ये 32.3% प्रेक्षकांच्या उपस्थितीसह या चित्रपटाने मराठी सिनेसृष्टीचे अनेक विक्रम मोडीत काढले. ओपनिंग डेला 10 कोटींपेक्षा अधिक कमाई करणारा हा पहिला चित्रपट ठरला.
बॉक्स ऑफिस ब्रेक-अप (भारत):
पहिला आठवडा: ₹7.70 कोटी
दुसरा वीकेंड: ₹17.40 कोटी
11वा दिवस (सोमवार): ₹2.65 कोटी
12वा दिवस (मंगळवार): ₹2.75 कोटी
13वा दिवस (बुधवार): ₹2.10 कोटी
14वा दिवस (गुरुवार): ₹2.10 कोटी
एकूण: ₹84.70 कोटी निव्वळ
तिसऱ्या आठवड्यातही हीच गती कायम असल्याने, 'राजा शिवाजी' आता बॉक्स ऑफिसवर आणखी एका दमदार वीकेंडच्या तयारीत आहे.
दिग्गज कलाकारांची फौज
सुप्रसिद्ध संगीतकार जोडी अजय-अतुल यांचे दमदार संगीत आणि आंतरराष्ट्रीय ख्यातीचे छायाचित्रकार संतोष सिवन यांचे अप्रतिम छायांकन या चित्रपटाला वेगळीच उंची प्रदान करत आहे. प्रत्येक फ्रेममध्ये भव्यता आणि ऐतिहासिक वास्तवतेची झलक जाणवते. या चित्रपटात संजय दत्त, अभिषेक, विद्या बालन, महेश मांजरेकर, सचिन खेडेकर, बोमन इराणी, भाग्यश्री, फरदीन खान, जितेंद्र जोशी, अमोल गुप्ते, जिनिलिया देशमुख आणि स्वतः रितेश यांसारख्या दिग्गज कलाकारांचा समावेश आहे, ज्यामुळे या चित्रपटाचा आवाका अधिकच भव्य झाला आहे.
महत्त्वाच्या बातम्या
