Raja Shivaji Box Office Collection: सिंहासनावर फक्त ‘राजा शिवाजी’च! 19व्या दिवशीही बॉक्स ऑफिसवर समशेर तळपतेय; कमाईने रचला इतिहास
Raja Shivaji Box Office Collection: या चित्रपटात रितेश देशमुखने मुख्य भूमिकेसह चित्रपटाचे लेखन आणि दिग्दर्शनही केलं आहे.
Raja Shivaji Box Office Collection: रितेश देशमुखचा 'राजा शिवाजी' (Raja Shivaji) हा चित्रपट बॉक्स ऑफिसवर गेलं तीन आठवड्यांपासून धुमाकूळ घालतोय. छत्रपती शिवाजी महाराजांवर आधारित या चित्रपटाला प्रदर्शनापासूनच प्रेक्षकांकडून भरभरून प्रतिसाद मिळतोय. छत्रपती शिवरायांची भूमिका साकारणाऱ्या रितेश देशमुखसह बॉलीवूड आणि मराठी सिनेसृष्टीतील दिग्गज कलाकारांची फौज या चित्रपटात पाहायला मिळते. या चित्रपटाने जगभरात 100 कोटी रुपयांची कमाई केलीय. आत्तापर्यंतचा सर्वाधिक कमाई करणारा मराठी चित्रपट होण्याच्या मार्गाने 'राजा शिवाजी' चित्रपट चालत आहे. बॉक्स ऑफिसवर या चित्रपटाचा दबदबा अजूनही कायम आहे प्रदर्शनाच्या 19 व्या दिवशी या चित्रपटाने 21% प्रेक्षकांच्या उपस्थितीसह 2152 शोमधून 1.30 कोटी रुपयांची कमाई केली. या चित्रपटाचं नेट कलेक्शन आता 87.7 कोटी रुपयांवर पोहोचलं आहे. (Raja Shivaji Box Office Collection)
Raja Shivaji Box Office: राजा शिवाजी चित्रपटाचं आत्तापर्यंतचे कलेक्शन
प्रदर्शनाच्या पहिल्या आठवड्यात या ऐतिहासिक चित्रपटाने 52.65 कोटी रुपये कमावले. दुसरा आठवड्यात आपला एकूण कमाईत आणखी 24.30 कोटी रुपयांची भर घातली. सॅकनिल्कच्या अहवालानुसार ' राजा शिवाजी ' चित्रपटाने प्रदर्शनाच्या 19व्या दिवशी आदल्या दिवशीपेक्षा 13 टक्क्यांची वाढ नोंदवली.यापैकी मराठी आवृत्तीने 1.10 कोटी आणि हिंदी आवृत्तीने 0.20 कोटी रुपये कमावले. आता या चित्रपटाचे ग्रॉस कलेक्शन 102.90 कोटी रुपयांवर पोहोचले आहे.
या चित्रपटात रितेश देशमुखने मुख्य भूमिकेसह चित्रपटाचे लेखन आणि दिग्दर्शनही केलं आहे. या चित्रपटात संजय दत्त, अभिषेक बच्चन,विद्या बालन,फरदीन खान,अमोल गुप्ते,सचिन खेडेकर आणि जेनेलिया देशमुख यांच्या महत्त्वाच्या भूमिका आहेत. शिवाय मराठी मनोरंजन सृष्टीतील जितेंद्र जोशी, मोहित टाकळकर,मुस्ताक शेख, सुरेश विश्वकर्मा यांचाही विशेष अभिनय आहे. सलमान खानने या चित्रपटात विशेष भूमिका साकारली आहे. राजा शिवाजी हा चित्रपट एक मे 2026 रोजी देशभरातील चित्रपटगृहांमध्ये प्रदर्शित झालेला.
राजा शिवाजीनं मोडले मराठी सिनेसृष्टीचे हे रेकॉर्ड (Raja Shivaji)
1. मराठी चित्रपटासाठी सर्वाधिक ओपनिंग डे
2. मराठी चित्रपटासाठी सर्वाधिक ओपनिंग विकेंड
3. मराठी चित्रपटात एका दिवसातील सर्वाधिक कमाई करणारा चित्रपट
4. पहिल्या आठवड्यातील सर्वाधिक कमाई
इतिहास भावनिक कथा न भव्यदृश्य आणि दमदार अभिनय यांच्या जोरावर राजा शिवाजी या चित्रपटाने प्रेक्षकांच्या मनावर अधिराज्य गाजवले आहे. या चित्रपटाची बॉक्स ऑफिसवरील घोडदौड अजून सुरू आहे. कलेक्शनचा आकडा जरी कमी झालेला असला तरी या चित्रपटाला तिसऱ्या आठवड्यात ही वीकेंडचा फायदा होईल अशी आशा आहे.
महत्त्वाच्या बातम्या
