Raja Shivaji: 'राजा शिवाजी' च्या सिंहगर्जनेनं बॉक्स ऑफिस दुमदुमलं, 26 व्या दिवशीही शोज फूल्ल, किती कोटी कमावले?
Raja Shivaji Box Office Collection: 'राजा शिवाजी' चित्रपटानं 26 व्या दिवशीही बॉक्स ऑफिसवर कमाई केली.
Riteish Deshmukh Raja Shivaji Movie: मराठी आणि हिंदी अशा दोन्ही भाषेत रिलीज झालेल्या 'राजा शिवाजी' (Raja Shivaji) सिनेमाने बॉक्स ऑफिसवर (Box Office) डंका गाजवला तसेच प्रेक्षकांच्या मनातही विशेष स्थान मिळवलं. 1 मे रोजी हा सिनेमा रिलीज झाला होता. 26 व्या दिवशीही या सिनेमाची बॉक्स ऑफिसवर (Entertainment) घौडदौड कायम आहे. रितेश देशमुख दिग्दर्शित आणि अभिनीत 'राजा शिवाजी' या सिनेमात तगड्या स्टारकास्टची फौज पाहायला मिळत आहे. जेनेलिया देशमुख, संजय दत्त, अभिषेक बच्चन, विद्या बालन, भाग्यश्री या कलाकारांच्या महत्त्वाच्या भूमिका आहेत. विशेष म्हणजे सलमान खानचीही महत्त्वाची भूमिका आहे. रिलीज झाल्यापासून या सिनेमाचं विशेष कौतुक होत आहे. दरम्यान, 26 व्या दिवशी या सिनेमाने किती कोटींची कमाई केली? पाहूयात.
26 व्या दिवशी 'राजा शिवाजी' सिनेमाने किती कोटींचे कलेक्शन केले? (Raja Shivaji Marathi and Hindi collection report)
'राजा शिवाजी' हा सिनेमा रिलीज होण्यापूर्वीपासून चर्चेत आहे. या सिनेमाने बॉक्स ऑफिसवर जबरदस्त कामगिरी केली. 26 दिवसांत या सिनेमाने बरेच रेकॉर्ड्स आपल्या नावावर केले आहेत. दरम्यान, 26 व्या दिवशी सिनेमाने किती रुपयांचे बॉक्स ऑफिस कलेक्शन केले? जाणून घेऊयात. सॅकनिल्क ट्रेंडच्या रिपोर्ट्सनुसार, 26 जून रोजी म्हणजेच मंगळवारी या सिनेमाने अडुसष्ट लाख रुपयांची कमाई केली आहे. हिंदी भाषेत 14 लाख आणि मराठी भाषेत या सिनेमाने 54 लाख रुपयांची कमाई केली आहे.
26 व्या दिवशी एकूण 834 शोज पार पडले. एकूण 834 शोजमधून अडुसष्ट लाख रुपयांचे बॉक्स ऑफिस कलेक्शन झाले आहे. तिसऱ्या आठवड्यातही या सिनेमाची बॉक्स ऑफिसवर घौडदौड सुरू आहे.
महाराष्ट्राचे आराध्य दैवत छत्रपती शिवाजी महाराज यांच्या शौर्यगाथेवर आधारीत 'राजा शिवाजी' या सिनेमात रितेश देशमुख यांची प्रमुख भूमिका आहे. या सिनेमाच्या दिग्दर्शनाची बाजूही रितेश देशमुखने सांभाळली. दमदार स्टारकास्टमुळे या सिनेमाला विशेष पसंती मिळाली. तगड्या स्टारकास्टमुळे या सिनेमाचा आवाका अधिकच भव्य झाला. या सिनेमाला संगीत अजय - अतुल यांनी दिलं. हा सिनेमा आणखी किती रेकॉर्ड्स मोडणार? हे पाहणं उत्सुकतेचं ठरणार आहे.
View this post on Instagram
महत्त्वाच्या इतर बातम्या:
आंबनेळी घाटातील थरारक अपघातात मराठी अभिनेत्यानंही जीव गमावला; 8 जणांसोबत स्कॉर्पिओत होता कलावंत
ABP माझाच्या बातम्या LIVE...
महत्त्वाच्या बातम्या
