Radhika Apte: आधी ॲक्शन सीनमध्ये बटन न लावण्याची विचित्र मागणी, नंतर इनरवेअरमध्येच..; राधिका आपटे इंटिमेट सीनवर बेधडक बोलली, म्हणाली...
करिअरच्या सुरुवातीच्या काळात तिने काही चित्रपटांमध्ये न्यूड आणि इंटिमेट सीन्स केले होते. मात्र, त्यानंतर इंडस्ट्रीतील काही लोकांनी तिच्याबद्दल एक वेगळीच धारणा करून घेतल्याचं राधिकाने सांगितलं.
Radhika Apte: राधिका आपटे (Radhika Apte) कायमच आपल्या करिअरसोबतच वैयक्तिक आयुष्याशी संबंधित अनेक मुद्द्यांवर बेधडक बोलताना दिसलीय. सध्या ‘लस्ट स्टोरीज 3’मुळे (Lust Stories 3) राधिका पुन्हा चर्चेत आलीय. काम, वैयक्तिक निर्णय आणि चित्रपटाच्या सेटवर आलेल्या काही विचित्र अनुभवांबद्दल राधिकाने अलीकडेच दिलेल्या मुलाखतीत बेधडक भाष्य केलं आहे. राधिका आपटेने चित्रपटांमध्ये गरज नसताना दाखवल्या जाणाऱ्या न्यूडिटीवर प्रश्न उपस्थित केले आहेत. तिने सेटवर घडणाऱ्या काही विचित्र गोष्टींचा उल्लेख करताना स्वतःचा अनुभवही सांगितला. करिअरच्या सुरुवातीच्या काळात तिने काही चित्रपटांमध्ये न्यूड आणि इंटिमेट सीन्स केले होते. मात्र, त्यानंतर इंडस्ट्रीतील काही लोकांनी तिच्याबद्दल एक वेगळीच धारणा करून घेतल्याचं राधिकाने सांगितलं.
‘ही तर करेलच’, असं लोकांना वाटायचं..
‘झूम’ला दिलेल्या मुलाखतीत राधिकाने सांगितलं की,“सुरुवातीला मी चार-पाच चित्रपट केले होते, ज्यामध्ये मी पूर्णपणे न्यूड होते. त्यामुळे अनेकांना वाटायचं की, ‘ही तर करेलच.’ मग मला त्यांना सांगावं लागायचं की, ‘ऐका, मी खरं तर असं करणार नाही. तुम्हाला असं का हवं आहे? मी आता तिला किस का करावं?’ त्यावर अनेक जण ‘थोडं करून घे ना’ असं म्हणायचे.” अनेकदा ‘फक्त थोडं किसिंग’ किंवा काही सेकंदांचं इम्प्रोव्हायझेशन करण्याच्या सूचना दिल्या जायच्या.
ॲक्शन सीनदरम्यान शर्टची बटनं न लावण्याची विचित्र मागणी
राधिकानं आणखी एका प्रसंगाचा उल्लेख केला. एका ॲक्शन सीनबाबत चर्चा सुरू असताना अचानक तिच्या आउटफिटचा विषय काढण्यात आला. अभिनेत्रीच्या म्हणण्यानुसार, तिला शर्टची बटनं न लावता ॲक्शन सीन करता येईल का, असं विचारण्यात आलेलं.ती म्हणाली, ‘एका सेटवर त्यांनी मला विचारलं, राधिका, तुम्ही हा ॲक्शन सीन करू शकता का? तुम्ही बटनं न लावता हा सीन केलात तर? मी म्हणाले, हा ॲक्शन सीन आहे. त्यामुळे शर्ट हलणारच ना? बेसिक फिजिक्स. त्यावर त्यांनी विचारलं, तुम्ही फक्त इनरवेअरमध्ये हा सीन केला तर? मी म्हणाले, तुम्हाला माझ्याकडून नेमकं काय करून घ्यायचं आहे?’
‘Parched’मधील न्यूड सीनवरही राधिकानं केलेलं भाष्य
राधिकानं याआधी 2016 मध्ये प्रदर्शित झालेल्या ‘Parched’ चित्रपटातील न्यूड सीनबाबतही आपली भूमिका स्पष्ट केली होती. हा सीन ऑनलाइन व्हायरल झाल्यानंतर मी निराश झाले नव्हते.असं राधिकाने PTIशी बोलताना सांगितलेलं. राधिकानं म्हटलं होतं की, ‘यामुळे मला कोणतीही निराशा झाली नाही. न्यूड सीन समोर आल्यामुळे मी अस्वस्थ नाही झाले. मला या सगळ्या गोष्टींची चिंता नाही. माझ्या भूमिकेसाठी मला न्यूड सीन करावा लागणार आहे, हे मला माहीत होतं. मात्र माध्यमांमध्ये याबाबत ज्या पद्धतीने चर्चा झाली, ते पाहून मला आश्चर्य वाटलं. हा चित्रपट या एका सीनपेक्षा खूप मोठा आहे.’
राधिका आपटेंचं वैवाहिक आयुष्य
राधिका आपटेनं 2012 मध्ये ब्रिटिश संगीतकार आणि कंपोजर बेनेडिक्ट टेलरसोबत लग्न केलं. दोघांनीही आपलं वैवाहिक आयुष्य बरंच खासगी ठेवलं आहे. 2024 मध्ये दोघे पहिल्यांदा पालक झाले आणि त्यांना एक मुलगी आहे. ऑक्टोबर 2024 मध्ये लंडन फिल्म फेस्टिव्हलदरम्यान राधिकानं आपल्या प्रेग्नन्सीची बातमी सार्वजनिक केली होती.
वर्कफ्रंटबद्दल बोलायचं झालं तर राधिका आपटे सध्या ‘लस्ट स्टोरीज 3’ मुळे चर्चेत आहे. राधिका आपल्या बेधडक अंदाजासाठी आणि वेगळ्या धाटणीच्या भूमिका साकारण्यासाठी यापूर्वीही प्रेक्षकांमध्ये चर्चेत राहिली आहे. ‘लस्ट स्टोरीज 3’ 18 सप्टेंबर 2026 रोजी नेटफ्लिक्सवर प्रदर्शित झाला आहे.
महत्त्वाच्या बातम्या
