Radhe Shyam Trailer : 'बाहुबली'(Bahubali) सुपरस्टार प्रभासचा (Prabhas) बहुप्रतिक्षित चित्रपट 'राधे श्याम'चा दुसरा ट्रेलर (Radhe Shyam Trailer) आज प्रदर्शित झाला आहे. 'बाहुबली' आणि 'साहो'च्या यशानंतर लोक प्रभासच्या 'राधे श्याम'ची आतुरतेने वाट पाहत आहेत. या चित्रपटात प्रभासबरोबर पूजा हेगडेही मुख्य भूमिकेत आहे. या चित्रपटात प्रभासची दोन रूपं पाहायला मिळणार आहेत. एकात तो नकारात्मक भूमिका साकारणार आहे तर दुसरी भूमिका रोमियोची पाहायला मिळणार आहे.1 मिनिट 8 सेकंदांचा ट्रेलर प्रेक्षकांची उत्सुकता ताणून धरणारा आहे. 


पाहा ट्रेलर : 




ट्रेलरची सुरुवात प्रभासच्या डायलॉगने होते ज्यामध्ये तो म्हणतो, 'आपल्याला असं वाटतं की आपण विचार करतोय. पण, आपली विचारसरणी ही आधीच लिहून ठेवलेली असते.' यानंतर प्रभासचा चेहरा दाखवण्यात आला आहे. यामध्ये प्रभास ज्योतिषाच्या रूपात दाखवण्यात आला आहे. ट्रेलरमध्ये प्रभास लोकांच्या हाताकडे पाहून त्यांचे जीवन, अगदी मृत्यूचा विचारही सांगत असल्याचे दिसून येत आहे. या प्रवासात त्याला पूजा हेगडे (Pooja Hegde) भेटते जी त्याला प्रेम करायला शिकवते आणि प्रभासचे जग बदलते. प्रभासचा हा चित्रपट 11 मार्च रोजी प्रेक्षकांच्या भेटीला येणार आहे.  


खरंतर, राधे श्याम गेल्या वर्षी म्हणजेच 2021 मध्येच चित्रपटगृहात प्रदर्शित होणार होता. पण, कोविडमुळे हा चित्रपट पुढे ढकलण्यात आला. यानंतर, 14 जानेवारी 2022 रोजी चित्रपट प्रदर्शित करण्याची घोषणा करण्यात आली, परंतु नंतर तो पुढे ढकलण्यात आला. अखेरीस हा सिनेमा 11 मार्चला प्रदर्शित होणार आहे. हा चित्रपट हिंदी, तमिळ, तेलगू आणि मल्याळम अशा चार भाषांमध्ये प्रदर्शित होणार आहे.


महत्वाच्या बातम्या :



LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha