Radhe Shyam Trailer : Prabhas च्या आगामी 'राधे श्याम'चा ट्रेलर प्रेक्षकांच्या भेटीला, हिंदी भाषेतदेखील होणार प्रदर्शित

Radhe Shyam Trailer : 'राधे श्याम' सिनेमाचा ट्रेलर नुकताच प्रदर्शित झाला आहे. ट्रेलरमध्ये प्रभास म्हणतो, प्रेम आणि लग्न माझ्या नशिबात लिहिलेले नाही.

Radhe Shyam Trailer : दाक्षिणात्य सुपरस्टार प्रभासचा (Prabhas) आगामी 'राधे श्याम' (Radhe Shyam) सिनेमाचा ट्रेलर प्रेक्षकांच्या भेटीला आलेला आहे. या सिनेमात प्रभाससोबत पूजा हेगडेदेखील मुख्य भूमिकेत आहे. 'राधे श्याम' हा सिनेमा पुढील वर्षी म्हणजेच 14 जानेवारी 2022 रोजी प्रदर्शित होणार आहे. सिनेमाचा ट्रेलर प्रदर्शित होताच सोशल मीडियावर प्रचंड व्हायरल झाला आहे. ट्रेलरमध्ये प्रभास म्हणतो, "प्रेम आणि लग्न त्याच्या नशिबात लिहिलेले नाही".

ट्रेलरमध्ये एक परदेशी मुलगी प्रभासला 'आय लव्ह यू' म्हणते. त्यावर प्रभास म्हणतो,"नाही. मला फक्त फ्लर्ट करायचं आहे". मात्र लवकरच प्रभासच्या आयुष्यात पूजा हेगडेची एन्ट्री होणार आहे. पूजाच्या एन्ट्रीमुळे प्रभासचे आयुष्य बचलणार आहे. 

ट्रेलरमध्ये पूजा आणि प्रभासच्या प्रेमकथेदरम्यान प्रभासची तुलना महान 'विक्रमादित्य' सोबत करण्यात आली आहे. प्रभासला जगातील सर्वात कुशल ज्योतिषी म्हटले जाते. प्रभासला हात दाखवण्यासाठी जगभरातील मोठे लोक आणि नेते रांगेत उभे असल्याचे ट्रेलरमध्ये दाखवण्यात आले आहे.

 

ट्रेलरमध्ये प्रभास म्हणतो आहे,"सुरुवातीपासून शेवटपर्यंत मी सर्व वाचले आहे". ट्रेलरमध्ये एकापेक्षा एक धाडसी सीन्स ट्रेलरमध्ये दिसत आहेत. समुद्रात जहाज बुडवताना, तर कधी प्रभासला स्फोटाच्या मधूनमधून बाहेर पडताना दाखवण्यात आले आहे. 'राधे श्याम' हा चित्रपट गेल्या वर्षीच प्रदर्शित होणार होता, पण कोरोनामुळे या सिनेमाच्या प्रदर्शनाची तारीख पुढे ढकलण्यात आली. हा चित्रपट तमिळ, तेलुगु, मल्याळम सोबत हिंदी भाषेतदेखील प्रदर्शित होणार आहे.

संबंधित बातम्या

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha