Pushpa 2 OTT Release: बॉक्स ऑफिस गाजवलं, आता OTT वर धुमाकूळ घालणार 'पुष्पा 2'; 'या' दिवशी नेटफ्लिक्सवर येणार

Pushpa 2 OTT Release Date Time: 'पुष्पा 2: द रुल' आता लवकरच ओटीटीवर रिलीज केला जाणार आहे. नेटफ्लिक्सवर हा चित्रपट लवकरच पाहता येणार आहे.

Pushpa 2 OTT Release Date Time

Source : ABP Majha

Pushpa 2 OTT Release: अल्लू अर्जुनचा (Allu Arjun) 'पुष्पा 2: द रुल' हा चित्रपट 5 डिसेंबर रोजी थिएटरमध्ये दाखल झाला. हा चित्रपट प्रदर्शित झाल्यानंतर 53 दिवसांनीही देशभर आणि जगभरात धुमाकूळ घालत आहे. या चित्रपटाच्या नावावर अनेक विक्रम आहेत आणि प्रदर्शित झाल्यानंतर जवळजवळ दोन महिने उलटूनही तो बॉक्स ऑफिसवर (Box Office) अजूनही कमाई करत आहे. अशातच आता 'पुष्पा 2: द रुल' (Pushpa 2 : The Rule) च्या ओटीटी रिलीजची (OTT Release) वाट पाहणाऱ्यांसाठी एक आनंदाची बातमी. खरंतर हा चित्रपट ओटीटीवर प्रदर्शित होणार आहे. अल्लू अर्जुनचा हा मेगा ब्लॉकबस्टर चित्रपट आपण ओटीटीवर कधी आणि कुठे पाहू शकतो? जाणून घेऊयात सविस्तर...                                                      

There are rumours floating around about the OTT release of #Pushpa2TheRule

Enjoy the Biggest Film #Pushpa2 only on the Big Screens in this Biggest Holiday Season ❤️

It won't be on any OTT before 56 days!

It's #WildFirePushpa only in Theatres Worldwide 🔥

— Mythri Movie Makers (@MythriOfficial) December 20, 2024

पुष्पा 2 नेटफ्लिक्सवर कधी प्रदर्शित होणार?

मीडिया रिपोर्ट्सनुसार, 'पुष्पा 2' हा चित्रपट 30 ते 31 जानेवारी 2025 दरम्यान ओटीटी प्लॅटफॉर्म नेटफ्लिक्सवर प्रदर्शित होण्याची शक्यता आहे. चित्रपटाचे पोस्ट-थिएट्रिकल डिजिटल राइट्स नेटफ्लिक्सनं मोठ्या किमतीत खरेदी केले आहेत. निर्मात्यांनी काही दिवसांपूर्वी घोषणा केली होती की, पुष्पा 2 चित्रपटगृहांमध्ये 56 दिवसांची विंडो पूर्ण केल्यानंतर प्रदर्शित होईल. अशा परिस्थितीत, आता चित्रपटानं ही विंडो पूर्ण केली आहे, त्यामुळे ओटीटीवर प्रदर्शित होण्याची शक्यता वाढली आहे. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Netflix India (@netflix_in)

पुष्पा 2 ओटीटीवर दीर्घ कटसह प्रदर्शित होणार?

मीडिया रिपोर्ट्सनुसार, नेटफ्लिक्स पुष्पा 2 चा एक एक्सक्लुझिव्ह एक्सटेंडेड कट रिलीज करणार आहे, म्हणजेच त्यात 20 मिनिटांचे न पाहिलेले फुटेज देखील असेल. या बातमीनं, पुष्पा 2 च्या प्रदर्शनाची वाट पाहणारे चाहते आनंदानं उड्या मारत आहेत. दरम्यान, निर्मात्यांनी याबद्दल अधिकृतपणे काहीही जाहीर केलेले नाही.

पुष्पा 2 चं बॉक्स ऑफिस कलेक्शन

'पुष्पा 2' हा देशातील सर्वाधिक कमाई करणारा चित्रपट बनला आहे. रिलीजच्या 53 दिवसांत या चित्रपटाने भारतीय बॉक्स ऑफिसवर 1232.30 कोटी रुपयांची कमाई केली आहे. तर जगभरात या चित्रपटाने 1800 कोटींपेक्षा जास्त व्यवसाय केला आहे. हा चित्रपट दंगलचा विक्रम मोडण्यापासून फक्त काही कोटी दूर आहे. सध्या, पुष्पा 2 हा जगभरात सर्वाधिक कमाई करणारा दुसरा चित्रपट आहे.