Priya Bapat: वयाचं अंतर अन् त्यात लव्ह मॅरेज, लग्नाच्या आदल्या दिवशी आईने प्रिया बापटला दिला मोलाचा सल्ला

Priya Bapat Mother Advice: लग्नाच्या आदल्या दिवशी प्रियाच्या आईने तिला खंबीर पाठिंबा देणारा मोलाचा सल्ला दिला.

Priya Bapat mother advice before love marriage

Source : canva

Priya Bapat: मराठीसह हिंदी सिनेसृष्टी गाजवणारी प्रिया बापट (Priya Bapat) विविध कारणांमुळे चर्चेत असते. प्रोफेशनलसह अभिनेत्री पर्सनल (Entertanment) कारणांमुळेही चर्चेत असते. प्रिया आणि उमेश कामत (Umesh Kamat) ही जोडी प्रेक्षकांना प्रचंड आवडते. त्यांचा चाहतावर्ग खूप मोठा आहे. प्रिया  आणि उमेश यांच्यात 9 वर्षांचं अंतर आहे. उमेश हा प्रियाहून 9 वर्षे मोठा आहे. दोघांचं तसं लव्ह मॅरेज. वयातील अंतर आणि दोघांचं लव्ह मॅरेज असल्यामुळे दोघांच्या घरातील सदस्यांना त्यांची काळजी वाटत होती. प्रियाने या लग्नासाठी आपल्या कुटुंबाला मनवलं होतं. दरम्यान, अभिनेत्रीच्या आईनं लव्ह मॅरेज करताना मोलाचा सल्ला दिला होता. 

मराठी सिनेसृष्टीतील हे क्यूट कपल प्रेक्षकांना कपल गोल्स देतात.  सुखी संसारातील मंत्र दोघेही शेअर करत असतात.  अलिकडेच प्रियाने मुलाखतीत, तिच्या आईने दिलेला मोलाचा सल्ला शेअर केला. 

प्रिया बापटला आईकडून मोलाचा सल्ला (Priya Bapat mother advice before love marriage)

लग्न ठरल्यानंतर आणि लग्न करण्यापूर्वी लेकीच्या घरातील सदस्यांना मुलीची काळजी असते.  आपल्या लेकीला सासरी चांगली वागणूक मिळणार की नाही, अशी चिंता असते.  कारण घरगुती हिंसाचार, हुंड्यासाठी मुलींचा छळ होणे, या बातम्या कानावर येत असतात. जर लव्ह मॅरेज झालं असेल तर, काही महिलांकरिता माहेरचे दरवाजे बंद होतात.  मात्र, प्रिया बापटच्या आईंचा विचार समाजाच्या पलिकडे होते. त्यांनी  समाजाची मानसिकता मोडीत काढत लेक प्रियाला मोलाचा सल्ला दिला होता. तो सल्ला नेमका काय होता, हे अभिनेत्रीनं मुलाखतीत शेअर केला आहे. 

मुलीच्या सुरक्षिततेसाठी प्रिया बापटच्या आईने तिला खंबीर पाठिंबा दिला होता. प्रिया बापटने लग्नाच्या आदल्या दिवसाचा किस्सा शेअर केला. म्हणाली, 'लव्ह मॅरेज करताना कायम लोक काय म्हणतील, समाज काय म्हणेल, याचा विचार केला जातो.   होऊ नये पण पुढे काही चुकीचं झालं तर, ही भीती मनात असते.  लग्नाच्या एक दिवस आधी आई  माझ्याकडे आली आणि मला म्हणाली की, मला माहित आहे तू लव्ह मॅरेज करत आहे. पण उद्या जर काही कमी जास्त झालं, काही चुकीचं घडलं, तर अजिबात घाबरू नकोस. तू पुन्हा माझ्याकडे परत येऊ शकतेस'.

प्रिया आणि उमेश या दोघांची जोडी प्रेक्षकांना प्रचंड आवडते.    त्यांनी अनेक मालिका आणि सिनेमांमध्ये काम केलं आहे.  संसाराला इतके वर्षे होऊनही त्यांनी आपल्या नात्यातील नाविन्य कायम जपले आहे. 

महत्त्वाच्या इतर बातम्या: