Preity Zinta On CJP Student Protest: प्रीति झिंटाला सतावतेय विद्यार्थ्यांचं आंदोलन 'हायजॅक' होण्याची भिती; विद्यार्थ्यांना पाठींबा दिला, पण सरकारलाही केलं कळकळीचं आवाहन
Preity Zinta On CJP Student Protest: विद्यार्थ्यांचं हे शांततापूर्ण आंदोलन देशविरोधी घटकांच्या हाती जाऊ नये, तसेच या आंदोलनाचा मूळ उद्देश बदलला जाऊ नये किंवा अराजकता पसरू नये, असं तिनं ठामपणे म्हटलं आहे.
Preity Zinta On CJP Student Protest: बॉलिवूड अभिनेत्री (Bollywood Actress) प्रीती झिंटा (Preity Zinta) हिनं कॉकरोच जनता पार्टी (CJP) च्या नेतृत्वाखाली सुरू असलेल्या विद्यार्थी आंदोलनावर आपली प्रतिक्रिया दिली आहे. अभिनेत्रीनं या आंदोलनाविषयी चिंता व्यक्त करत शैक्षणिक सुधारणांच्या मागणीला आपला पाठिंबा दर्शविला आहे. विद्यार्थ्यांचं हे शांततापूर्ण आंदोलन देशविरोधी घटकांच्या हाती जाऊ नये, तसेच या आंदोलनाचा मूळ उद्देश बदलला जाऊ नये किंवा अराजकता पसरू नये, असं तिनं ठामपणे म्हटलं आहे.
सरकारला प्रीती झिंटाचं आवाहन (Preity Zinta Apple To Government)
आपल्या स्वार्थासाठी विद्यार्थी आंदोलनाचा गैरफायदा घेण्याचा प्रयत्न करणाऱ्यांविरोधात प्रीतीनं एक ट्वीटही केलंय. प्रीती म्हणाली आहे की, आंदोलन करणाऱ्या विद्यार्थ्यांच्या मागण्या कोणत्याही बेईमान किंवा गैरप्रवृत्तीच्या घटकांमुळे झाकोळल्या जाऊ नयेत. तिनं पुढे लिहिलंय की, आपल्या विद्यार्थ्यांना पाठिंबा देणं आणि तरुणांच्या उज्ज्वल भविष्यासाठी शैक्षणिक सुधारणांचा आग्रह धरणं अत्यंत महत्त्वाचं आहे, त्याचबरोबर, देशविरोधी घटकांनी या शांततापूर्ण आंदोलनाचा गैरफायदा घेऊन गोंधळ निर्माण करू नये किंवा आंदोलनाचं मूळ स्वरूप बदलू नये, याची काळजी घेणंही तितकंच गरजेचं आहे.
While it’s important to support our students and ask for educational reforms that positively impact the future of our youth, it’s also very important that peaceful protests by students are Not hijacked by anti national elements to create chaos & change the nature of the protest.…
— Preity G Zinta (@realpreityzinta) July 22, 2026
"ऑनलाइन माध्यमांवर अशा प्रकारचा द्वेष आणि फूट पाडणारी प्रवृत्ती पाहून, मला असा प्रश्न पडतो की, देशांतर्गत आणि परदेशातील काही द्वेषपूर्ण घटकांनी विद्यार्थ्यांच्या संतापाचा गैरफायदा घेण्याचा प्रयत्न केला आहे का? कठोर परिश्रम, समानता आणि उत्कृष्टता या मूल्यांवर माझा नेहमीच विश्वास राहिला आहे आणि मी या मूल्यांशी कधीही तडजोड केलेली नाही. आपली लोकशाही, कायद्याचं राज्य आणि सरकार यांच्यावर माझा विश्वास आहे. मला मनापासून आशा आहे की, आपल्या तरुणांच्या आणि लोकशाहीच्या व्यापक हितासाठी, दोन्ही बाजू कोणत्याही संशयास्पद हेतूंना या आंदोलनापासून आणि चर्चेपासून दूर ठेवून अर्थपूर्ण आणि सकारात्मक संवाद साधतील... जय हिंद..."
यापूर्वी, प्रीती झिंटानं सामाजिक कार्यकर्ते सोनम वांगचुक यांच्या समर्थनार्थ पोस्ट केली होती. त्यावेळीही तिनं सरकारला वांगचुक आणि विद्यार्थी संघटनांशी चर्चा करण्याचं आवाहन केलं होतं. तसेच, तिनं सोनम वांगचुक यांना त्यांचं उपोषण मागे घेण्याची विनंती केली होती आणि त्यांच्या आरोग्याबाबत चिंता व्यक्त केली होती.
महत्त्वाच्या इतर बातम्या :
महत्त्वाच्या बातम्या
