Pranit More Delete Instagram Page: 'त्या' व्हिडीओनंतर प्रचंड टीकेची झोड, प्रणित मोरेचा इन्स्टाग्राम पेजबाबत मोठा निर्णय, डायरेक्ट पेजच....
शोमध्ये उपस्थित असलेल्या एका प्रेक्षकाने स्वतःच्या डेटिंगचा अनुभव सांगताना महिलांबाबत आक्षेपार्ह आणि असंवेदनशील टिप्पणी केली. या संवादादरम्यान प्रणितही त्याच्या बोलण्यावर हसताना आणि त्याचा आनंद घेताना दिसला.
Pranit More Delete Instagram Account: स्टँड-अप कॉमेडियन आणि 'बिग बॉस'चा माजी स्पर्धक प्रणित मोरे (Pranit More) पुन्हा एकदा चर्चेत आला आहे. मात्र यावेळी त्याच्या विनोदांपेक्षा एका वादग्रस्त घटनेमुळे त्याच्यावर टीकेची झोड उठली आहे. अलिकडेच व्हायरल झालेल्या '370 बिर्याणी' प्रकरणाने वादाच्या भोवऱ्यात सापडल्यानंतर जाहीर माफीनामा त्याला प्रसिद्ध करावा लागला. महिलांबाबत होणाऱ्या घृणास्पद कमेंटवर हसत राहिल्यानं प्रचंड ट्रोलिंगला त्याला सामोरं जावं लागलं. वाढत्या वादाच्या पार्श्वभूमीवर प्रणितने मोठा निर्णय घेतला असून आपले इन्स्टाग्राम अकाउंट डिलीट केलंय. (Biryani Controversy)
हा संपूर्ण वाद प्रणितच्या एका लाइव्ह शोदरम्यान घडलेल्या घटनेमुळे सुरू झाला. शोमध्ये उपस्थित असलेल्या एका प्रेक्षकाने स्वतःच्या डेटिंगचा अनुभव सांगताना महिलांबाबत आक्षेपार्ह आणि असंवेदनशील टिप्पणी केली. या संवादादरम्यान प्रणितही त्याच्या बोलण्यावर हसताना आणि त्याचा आनंद घेताना दिसला. या कार्यक्रमाचा व्हिडीओ सोशल मीडियावर व्हायरल झाल्यानंतर संतापाची लाट उसळली आहे. सभ्यतेच्या सगळ्या मर्यादा सोडून केलेल्या त्या व्हिडीओमुळे प्रणित मोरेनं इस्टाग्रॅम अकाउंट बंद करून टाकलंय.
'370 रुपयांच्या बिर्याणी'वरून सुरू झाला वाद
व्हायरल व्हिडीओमध्ये हिमांशू जांगरा नावाच्या तरुणाने एका महिलेसोबत डेटसाठी बाहेर गेल्याचा अनुभव सांगितला. दोघांनी मिळून चिकन बिर्याणी खाल्ली होती, ज्यासाठी त्याने 370 रुपये खर्च केल्याचे सांगितले. त्यानंतर संबंधित महिलेने त्याला घरी सोडण्याची विनंती केल्यावर आपण खर्च केलेल्या पैशांची 'वसुली' करणारअसं म्हणत महिलेशी शारिरीक संबंध ठेवल्याचं सांगितलं. त्याच्या वक्तव्यावर उपस्थित तरुणवर्ग टाळ्या वाजवून, दाद देऊन त्याला ऐकत होता. चालू शोमध्ये हे सगळं सुरु होतं. एवढंच नाही, तर आक्षेपार्ह प्रतिक्रिया देऊनही तरुण हिमांशू जांगडा बरळतच राहिला. डेट करत असलेल्या महिलेसोबत त्याने कशी जवळीक साधली, तिला कुठे स्पर्श केला असे तपशीलही तो रंगवून सांगू लागला. हा व्हिडिओ व्हायरल होताच यातील अनेक क्लिप्स व्हायरल झाल्या. नंतर मात्र या वक्तव्यावर सोशल मीडियावर प्रचंड ट्रोलिंग झालं.
कुशा कपिला, डॉली सिंह यांचीही टीका
वाद वाढल्यानंतर कंटेंट क्रिएटर आणि अभिनेत्री कुशा कपिला तसेच इन्फ्लुएंसर डॉली सिंह यांनीही या प्रकारावर नाराजी व्यक्त केली. कुशा कपिलाने सोशल मीडियावर पोस्ट करत महिलांविषयी अशा प्रकारच्या वक्तव्यांविरोधात आवाज उठवण्याचे आवाहन केले. तसेच पुरुषांनी अशा टिप्पण्यांना पाठिंबा न देता त्यावर आक्षेप घेण्याची गरज असल्याचेही तिने म्हटलं. दरम्यान, या संपूर्ण प्रकरणानंतर प्रणित मोरेने इन्स्टाग्राम अकाउंट हटवल्याची माहिती समोर आली असून, त्यावरून सोशल मीडियावर चर्चांना उधाण आले आहे.
महत्त्वाच्या बातम्या
