Prajakta Mali on Lalit Prabhakar Kasab: ललितला कसाबच्या भूमिकेत पाहताच प्राजक्ता माळीची खास पोस्ट, म्हणाली,' आदित्यपेक्षा कसाबच्या भूमिकेतच जास्त..'
या सिनेमात राजकुमार राव सरकारी वकील उज्वल निकम यांच्या भूमिकेत दिसणार आहे. 26/11 च्या खटल्यावर सिनेमा आधारित आहे.
Prajakta Mali on Lalit Prabhakar: अभिनेता ललित प्रभाकर (Lalit Prabhakar) कायमच वेगवेगळ्या प्रकारच्या भूमिका साकारतो. आणि 'चॉकलेट बॉय' ही प्रतिमा कायम खोदून काढताना दिसतो. 'जुळून येती रेशीमगाठी' या मालिकेनंतर तरुणाईच्या गळ्यातील ताईत बनला. मात्र आता 'प्रहार ' या बहुचर्चित सिनेमात तो दहशतवादी कसाबच्या भूमिकेत दिसणार आहे. नुकताच या चित्रपटाचा ट्रेलर रिलीज झाला. आणि ललितने सगळ्यांनाच थक्क केलं. त्याचा ट्रेलर पाहून अभिनेत्री प्राजक्ता माळीने सोशल मीडियावर त्याच्यासाठी पोस्ट केली आहे. या सिनेमात राजकुमार राव सरकारी वकील उज्वल निकम यांच्या भूमिकेत दिसणार आहे. 26/11 च्या खटल्यावर सिनेमा आधारित आहे.
काय म्हणाली प्राजक्ता माळी?
अभिनेता ललित प्रभाकर आणि प्राजक्ता माळी यांचा बाँड कायम चर्चेत असतो. पहिली मालिका सोबत केल्यानंतर दोघेही एकमेकांचे खूप चांगले मित्र आहेत. एकमेकांच्या चांगल्या कामावर आवर्जून दोघेही प्रतिक्रिया देताना दिसतात. प्रहारचा ट्रेलर समोर आल्यानंतर प्राजक्ता माळीने ललित साठी एक खास पोस्ट केली आहे. इन्स्टा स्टोरी वर ती म्हणाली, 'मला तू आदित्यपेक्षा कसाबच्या भूमिकेतच का जास्त आवडलाय कळेना' 'जुळून येती रेशीमगाठी' या मालिकेत ललितने आदित्य हे पात्र साकारलं होतं. ती पुढे म्हणाली," 'असं वाटतंय हा ट्रेलर तुझ्यासाठी बनलाय, ललित'. पण तुझ्यामुळेच मी सिनेमा फर्स्ट डे फर्स्ट शो पाहू शकणार नाहीए.' ललित आणि प्राजक्ताच्या आगामी 'शुभमंगलम जोडी दंगलम' सिनेमाचं शूट लवकरच सुरु होणार असल्याचा सांगितलं जातंय. त्यामुळे प्राजक्ताने असं म्हटल्याची चर्चा आहे.
प्रहार - द अनटोल्ड स्टोरी ऑफ उज्ज्वल निकम'चा ट्रेलर(Prahaar The Untold Story Of Ujjwal Nikam )
ट्रेलरमध्ये राजकुमार राव उज्ज्वल निकम यांच्या भूमिकेत दिसणार आहे. भारताच्या इतिहासातील एका अत्यंत महत्त्वपूर्ण टप्प्याशी ज्यांचं आयुष्य जोडलं गेलंय, अशा व्यक्तीची भूमिका त्यांनी अत्यंत सखोलपणे आणि संवेदनशीलतेनं साकारली आहे. या सिनेमात वामिका गब्बीही महत्त्वाच्या भूमिकेत, दिग्दर्शक अविनाश अरुण धावरे यांनी आपल्या वैशिष्ट्यपूर्ण सिनेमॅटिक दृष्टीकोनातून ही कथा पडद्यावर मांडली आहे.
महत्त्वाच्या बातम्या
