मराठी सिनेमात येतोय नवा दमदार विषय, ‘अभया’चा फर्स्ट लूक समोर, मोहन जोशींसह स्टारकास्टची चर्चा
मीडिया आणि मनोरंजन क्षेत्रात वेगाने प्रगती करणारी ग्रेडिएंटे इन्फोटेनमेंट कंपनी सध्या चित्रपट, संगीत, डिजिटल प्लॅटफॉर्म आणि ओटीटीसारख्या विविध माध्यमांद्वारे आपला विस्तार करत आहे.
Abhaya Marathi Film Poster Out :मराठी चित्रपटसृष्टीत आणखी एका दमदार कथानकाची भर पडणार आहे. मराठी चित्रपट ‘अभया’चा पहिला पोस्टर अधिकृतरीत्या प्रदर्शित करण्यात आला आहे. ग्रेडिएंटे इन्फोटेनमेंट लिमिटेडच्या निर्मितीत तयार होत असलेल्या या चित्रपटाचा फर्स्ट लूक 13 मार्च 2026 रोजी रिलीज करण्यात आला. कंपनीचे अध्यक्ष डॉ. विमल राज माथुर यांनी सहनिर्माते रूपेश डी. गोहिल यांच्या उपस्थितीत या पोस्टरचे अनावरण केले. हा चित्रपट ग्रेडिएंटे इन्फोटेनमेंट लिमिटेड आणि आरडीजी प्रॉडक्शन प्रायव्हेट लिमिटेड यांच्या सहकार्याने तयार होत आहे. मीडिया आणि मनोरंजन क्षेत्रात वेगाने प्रगती करणारी ग्रेडिएंटे इन्फोटेनमेंट कंपनी सध्या चित्रपट, संगीत, डिजिटल प्लॅटफॉर्म आणि ओटीटीसारख्या विविध माध्यमांद्वारे आपला विस्तार करत आहे.
दमदार कथानक आणि ताकदीची स्टारकास्ट
‘अभया’ या चित्रपटाचे दिग्दर्शन आणि लेखन युसुफ सुरती यांनी केले आहे. या चित्रपटात अभिनेत्री योगिता भोसले मुख्य भूमिकेत दिसणार आहेत. याशिवाय मराठी चित्रपटसृष्टीतील ज्येष्ठ अभिनेते मोहन जोशी, कमलेश सावंत, गणेश यादव, रोहित कोकाटे आणि हर्षा निक्कम यांच्याही महत्त्वाच्या भूमिका या चित्रपटात पाहायला मिळणार आहेत.
‘अभया’ हा चित्रपट एका अशा महिलेच्या प्रवासाभोवती फिरतो, जी आयुष्यातील अनेक संकटांना धैर्य आणि निर्धाराने सामोरी जाते. संघर्ष, शक्ती आणि सशक्तीकरण या विषयांना अधोरेखित करणारी ही कथा प्रेक्षकांना भावनिकरित्या जोडणारी ठरेल, असा विश्वास निर्मात्यांनी व्यक्त केला आहे.चित्रपटाबद्दल बोलताना कंपनीचे अध्यक्ष डॉ. विमल राज माथुर म्हणाले, “‘अभया’ ही अत्यंत भावनिक आणि प्रभावी कथा आहे. आयुष्यातील आव्हानांना धैर्याने सामोरे जाणाऱ्या एका स्त्रीची ताकद या चित्रपटातून दाखवण्यात आली आहे. प्रेक्षकांना अर्थपूर्ण आणि प्रभावी सिनेमॅटिक अनुभव देण्याचा आमचा प्रयत्न आहे.” दरम्यान, पोस्टर रिलीजसोबतच चित्रपटाच्या प्रमोशनला सुरुवात झाली असून लवकरच या चित्रपटाचा टीझर आणि ट्रेलरही प्रदर्शित होणार आहे. दमदार विषय आणि मजबूत कलाकारांमुळे ‘अभया’ आधीपासूनच चर्चेत असून मराठी चित्रपटसृष्टीत हा चित्रपट विशेष ठरेल, अशी अपेक्षा व्यक्त केली जात आहे.
महत्त्वाच्या बातम्या
