Hollywood actor passed away: वयाच्या पस्तीशीत लोकप्रिय अभिनेत्याचा मृत्यू; 3 वर्षांपासून होता 'हा' दूर्मिळ आजार; मनोरंजन विश्व हळहळलं
Popular actor passed away: भूमिका छोटी असली तरी त्यातून त्याने प्रेक्षकांच्या मनात जागा निर्माण केली.त्याच्या जाण्याने मनोरंजन सृष्टीतून हळहळ व्यक्त केली जात आहे.
Popular Hollywood Actor Passed Away: गेम ऑफ थ्रोन्स या जगभरात गाजलेल्या लोकप्रिय मालिकेतील अभिनेता मायकल पैट्रिक (Michael Patrick)या हॉलीवुड अभिनेत्याचं वयाच्या अवघ्या 35 व्या वर्षी निधन झालंय. हा अभिनेता मोटर न्यूरोन डिसीज (MND) या गंभीर आजाराशी गेल्या तीन वर्षांपासून झुंज देत होता. सोशल मीडियावर सक्रिय असलेल्या या अभिनेत्याने आपल्याकडे फार कमी वेळ राहिल्याचंही चाहत्यांना सांगितलं होतं . हा आजार एवढा गंभीर होता की डॉक्टरांनी त्याला ट्रेकिओस्टॉमी म्हणजेच घशात छिद्र करून श्वास घेण्याची प्रक्रिया करून घेण्याचा सल्ला दिला होता. मात्र, मायकलने हा उपचार नाकारण्याचा निर्णय घेतला. उरलेला वेळ हॉस्पिटलमध्ये न घालवता कुटुंबासोबत घालवत अखेरचा श्वास घेतला.
मायकल पॅट्रिक हा अभिनेता आणि नाटककार होता. Game of Thrones च्या सीझन 6 मधील ‘The Broken Man’ एपिसोडमध्ये त्याने वाइल्डलिंगची भूमिका साकारली होती. भूमिका छोटी असली तरी त्यातून त्याने प्रेक्षकांच्या मनात जागा निर्माण केली.त्याच्या जाण्याने मनोरंजन सृष्टीतून हळहळ व्यक्त केली जात आहे.
एक जिद्दी कलाकार, संवेदनशील माणूस आणि आयुष्याचा शेवटही स्वतःच्या अटींवर जगणारा मायकल पॅट्रिक आता कायमचा पडद्याआड गेला आहे.
आजाराशी झुंज, शेवटपर्यंत जिद्द
मायकलने काही महिन्यांपूर्वी सोशल मीडियावर आपल्या प्रकृतीबद्दल माहिती दिली होती. त्याला गेली 3 वर्षे MND होता आणि डॉक्टरांनी त्याच्याकडे फार कमी वेळ उरल्याचं सांगितलं होतं. उपचारांसाठी त्याने लोकांकडून आर्थिक मदतही मागितली होती. मात्र, शेवटी त्याने कठीण निर्णय घेत आपलं आयुष्य सन्मानाने जगण्याचा मार्ग निवडला.
त्याच्या निधनाची माहिती पत्नी नाओमी शीहान हिने दिली. बेलफास्ट नॉर्थ आयरलंड येथील हॉस्पिस केअर सेंटरमध्ये तो शेवटचे 10 दिवस उपचार घेत होता. पत्नीने सोशल मीडियावर लिहिलं, “मिकने कुटुंब आणि मित्रांच्या उपस्थितीत शांतपणे अखेरचा श्वास घेतला. आमचं मन पूर्णपणे तुटलं आहे.”
महत्त्वाच्या बातम्या
