Palak Tiwari and Ibrahim Ali Khan : अभिनेत्री श्वेता तिवारी (Shweta Tiwari) हिची लेक पलक तिवारी (Palak Tiwari) सध्या बरीच चर्चेत आहे. पलकने तिच्या सोशल मीडियावर नुकतेच मालदीव ट्रीपचे फोटो शेअर केले आहेत. पण तिच्या या फोटोमुळे आणखी एका चर्चांना उधाण आलं आहे. पलक मालदीवमध्ये सैफ अली खानचा (Saif Ali Khan) लेक इब्राहीमसोबत (Ibrahim Ali Khan) असल्याच्या चर्चा सुरु आहेत. कारण इब्राहीमने देखील त्याच्या मालदीव ट्रीपचेच फोटो सोशल मीडियावर पोस्ट केले आहेत.
पलक आणि इब्राहीम मागील अनेक दिवसांपासून एकमेकांना डेट करत असल्याच्या चर्चा आहेत. अनेक ठिकाणी ते एकत्र स्पॉट देखील झाले आहेत. पण त्या दोघांच्या आताच्या पोस्टने पुन्हा एकदा साऱ्यांचं लक्ष वेधून घेतलंय. तसेच या पोस्टवर अनेकांनी कमेंट्स करत पलकसोबत असल्याचं म्हटलं.
पलक आणि इब्राहीमच्या पोस्टवर कमेंट्सचा पाऊस
पलक आणि इब्राहीमच्या पोस्टवर अनेकांनी कमेंट्स केल्याचं पाहायला मिळतंय. तू पलकला डेट करत आहेस, हे आत नक्की झालंय. पलक याच्यासोबतच आहे, हे आता नक्की आहे. पलकच ह्याचे फोटो काढतेय.. पलक आणि इब्राहीम त्यांची डेट अॅनीवरसरी सेलिब्रेट करत आहेत...पलक आणि इब्राहीम किती गोड दिसतायत... अशा कमेंट्स या दोघांच्या पोस्टवर आल्या आहेत.
पलक इब्राहीम रिलेशनशिपमध्ये?
अनेक दिवसांपासून पलक तिवारी आणि इब्राहिम अली खानच्या अफेरच्या चर्चा सध्या सुरु आहेत. अनेकदा ते दोघे एकत्र स्पॉटही झाले आहेत. त्यामुळे पलक इब्राहिमला डेट करत असल्याच्या चर्चा सुरु आहेत. अनेकदा हे दोघे एकत्र डेटवर जाताना देखील दिसले आहेत. पण पलकने तिच्या या डेटिंगच्या चर्चांना नेहमीच विरोध केलाय. तसेच ते दोघे फक्त चांगले मित्र असल्याचं पलकने म्हटलं.