OTT Subscription: एकीकडे प्रीमियम कंटेंट, दुसरीकडे स्वस्त प्लॅन! नेटफ्लिक्स घ्यावं की जिओ हॉटस्टार? कोणत्या OTT ला प्रेक्षकांची पसंती? आकडे समोर...
कोणता ओटीटी प्लॅटफॉर्म प्रेक्षकांची पहिली पसंती ठरतोय? हिंदी ते हॉलीवूड चित्रपटांमध्ये कोण मारतंय बाजी? जाणून घ्या सविस्तर...
OTT Subscription: मोबाईल हातात घेतला की पहिला प्रश्न पडतो,आज काय बघायचं? एका बाजूला थिएटरमध्ये धडाकेबाज चित्रपट रिलीज होतायत, तर दुसऱ्या बाजूला ओटीटी प्लॅटफॉर्म्सवर वेब सीरिज आणि सिनेमांचा अक्षरशः पाऊस पडतोय. नेटफ्लिक्स, जिओ हॉटस्टार, प्राइम व्हिडीओ यांसारख्या प्लॅटफॉर्म्सनी प्रेक्षकांना इतके पर्याय दिलेत की नेमकं कोणाचं सब्सक्रिप्शन घ्यावं, हेच अनेकांना समजेनासं झालं आहे. पण या सगळ्या गोंधळात आता एक मोठी आकडेवारी समोर आली आहे. कोणता ओटीटी प्लॅटफॉर्म प्रेक्षकांची पहिली पसंती ठरतोय? हिंदी ते हॉलीवूड चित्रपटांमध्ये कोण मारतंय बाजी? जाणून घ्या सविस्तर...
वेबसिरीज नव्हे चित्रपटांसाठीच सबस्क्रीप्शन!
वेब सीरिज आणि चित्रपट ओटीटीवर रिलीज होत असले तरी थिएटरमधील गर्दी कमी झालेली नाही. आजही प्रेक्षक कुटुंबीय आणि मित्रांसोबत थिएटरमध्ये जाऊन चित्रपट पाहणं अधिक पसंत करतात. ऑरमॅक्सच्या अहवालानुसार, लोक वेब सीरिजपेक्षा चित्रपटांसाठीच जास्त प्रमाणात ओटीटीचं सब्सक्रिप्शन घेतात. 126 मोठ्या चित्रपटांचा डेटा तपासण्यात आला. हे चित्रपट आधी थिएटरमध्ये रिलीज झाले आणि नंतर ओटीटीवर आले. या चित्रपटांना थिएटरमध्ये 10 लाखांहून अधिक प्रेक्षकांनी पाहिलं. त्यामुळे थिएटरचं आकर्षण अजूनही टिकून असल्याचं स्पष्ट होतं.
कुठल्या ओटीटीवर किती चित्रपट रिलीज ?
मोठ्या चित्रपटांच्या ओटीटी रिलीजमध्ये नेटफ्लिक्सने बाजी मारली आहे. आकडेवारीनुसार, 36 टक्के मोठे चित्रपट नेटफ्लिक्सवर रिलीज होतात. त्यानंतर 21 टक्के चित्रपट जिओ हॉटस्टारवर तर 18 टक्के चित्रपट प्राइम व्हिडीओवर रिलीज होतात. उर्वरित चित्रपट इतर प्लॅटफॉर्म्सवर येतात.
हिंदी चित्रपटांमध्येही कोणाचे वर्चस्व?
फक्त हिंदी चित्रपटांचा विचार केला तरी नेटफ्लिक्स आघाडीवर आहे. तब्बल 57 टक्के हिंदी चित्रपट नेटफ्लिक्सवर रिलीज होतात. त्यानंतर 26 टक्के चित्रपटांसह प्राइम व्हिडीओ दुसऱ्या क्रमांकावर आहे. जिओ हॉटस्टार तिसऱ्या स्थानावर आहे.
विदेशी चित्रपटांसाठी कशाला पहिली पसंती?
आंतरराष्ट्रीय चित्रपटांच्या बाबतीत मात्र जिओ हॉटस्टारनं मोठी बाजी मारली आहे. 2025 मध्ये भारतात 10 लाखांहून अधिक प्रेक्षकांनी थिएटरमध्ये पाहिलेल्या 13 विदेशी चित्रपटांचा डेटा तपासण्यात आला. त्यापैकी 12 चित्रपटांचं विश्लेषण करण्यात आलं आणि त्यातील 10 चित्रपट जिओ हॉटस्टारवर उपलब्ध असल्याचं समोर आलं. म्हणजेच या विभागात तब्बल 83 टक्के हिस्सा जिओ हॉटस्टारकडे आहे. यामुळे भारतीय चित्रपटांसाठी नेटफ्लिक्स तर विदेशी चित्रपटांसाठी जिओ हॉटस्टार हा प्रेक्षकांचा सर्वाधिक पसंतीचा ओटीटी प्लॅटफॉर्म ठरत असल्याचं स्पष्ट झालं आहे.
महत्त्वाच्या बातम्या
