OTT Crime Thriller Webseries: करिश्मा कपूरच्या थरारक क्राईम सिरिजची प्रचंड चर्चा; 1 मिनिट 51 सेकंदाचा ट्रेलर पाहून अंगावर काटे येतील
मर्डर मुबारक’नंतर जवळपास दोन वर्षांनी करिश्मा कपूर पुन्हा एका दमदार भूमिकेत परतली आहे.‘मेंटलहुड’नंतरचा हा तिचा दुसरा OTT प्रोजेक्ट आहे.
OTT Crime Thriller Webseries: रात्रीचा काळोख… कोलकात्याच्या ओस पडलेल्या रस्त्यांवर अचानक सायरनचा आवाज घुमतो… आणि पुढच्या क्षणी सुरू होतो एका खुनाचा थरारक तपास. अभिनेत्री करिश्मा कपूरच्या आगामी वेबसीरिजचा 1 मिनिट 51 सेकंदांचा थरारक ट्रेलर समोर आलाय. काही मिनिटांतच सोशल मीडियावर या सिरीजची जोरदार चर्चा सुरू झाली. पण हा फक्त आणखी एक क्राइम थ्रिलर नाही… कारण या कथेत प्रत्येक चेहऱ्यामागे एक रहस्य दडलंय आणि प्रत्येक संवादानंतर संशय आणखी गडद होत जातो. (Karishma Kapoor Webseries)
करिश्माचा आतापर्यंतचा सर्वात डार्क अवतार?
करिष्मा कपूरच्या 'ब्राउन' वेब सिरीजचा ट्रेलर सध्या प्रचंड चर्चेत आहे. ट्रेलरमध्ये करिश्मा कपूर ‘रीटा ब्राउन’ या पोलिस अधिकाऱ्याच्या भूमिकेत दिसते. पण ही नेहमीसारखी धाडसी, सगळं नियंत्रणात ठेवणारी ऑफिसर नाही. तिच्या डोळ्यांमध्ये झोप नाही… चेहऱ्यावर तणाव स्पष्ट दिसतो… आणि भूतकाळातील काही जखमा अजूनही तिचा पाठलाग करत असल्याची जाणीव सतत होते. (Brown Webseries)
एका हाय-प्रोफाइल टीनएजर मर्डर केसचा तपास करताना रीटा एका अशा जाळ्यात अडकत जाते, जिथे सत्य आणि खोटं यामधली रेषाच पुसट होत जाते. दरम्यान शहरात आणखी एक खून होतो… आणि केस अधिकच भयावह बनते. ट्रेलरमधील एक संवाद अक्षरशः अंगावर काटा आणतो -“जो वाचवतो तो देव… जो मारतो तो दानव… पण देव आणि दानव यांच्या मध्ये माणूस कुठे आहे?”
प्रत्येक पात्र संशयित… कोणावर विश्वास ठेवणार?
जिशू सेनगुप्ता एका मानसोपचारतज्ज्ञाच्या भूमिकेत दिसतो. तो शांत आहे… संयमी आहे… पण त्याच्या चेहऱ्यावर काहीतरी लपवल्याची भावना सतत जाणवते. तर सूर्या शर्मा रीटाचा ज्युनियर अधिकारी बनून तपासात मदत करताना दिसतो. सोनी राजदान यांनी साकारलेली रीटाची आई कथेला भावनिक वळण देते. पण या सगळ्यांच्या मध्ये एक प्रश्न सतत डोक्यात राहतो, खरा गुन्हेगार कोण?
ट्रेलरमध्ये सतत धुराच्या वलयात हरवलेली रीटा, गोळ्या घेणं, मद्यपान, तुटत चाललेलं मानसिक संतुलन… हे सगळं पाहताना ही फक्त मर्डर मिस्ट्री नाही, तर एका स्त्रीच्या आतल्या अंधाराची कहाणी असल्याचं जाणवत राहतं.
दोन वर्षांनंतर करिश्माचं दमदार पुनरागमन
‘मर्डर मुबारक’नंतर जवळपास दोन वर्षांनी करिश्मा कपूर पुन्हा एका दमदार भूमिकेत परतली आहे.‘मेंटलहुड’नंतरचा हा तिचा दुसरा OTT प्रोजेक्ट असून, यावेळी ती पूर्णपणे वेगळ्या आणि धक्कादायक अवतारात दिसणार आहे. ‘ब्राउन’ ही सीरिज अभीक बरुआ यांच्या ‘सिटी ऑफ डेथ’ या पुस्तकावर आधारित असून, 5 जूनपासून ZEE5 वर स्ट्रीम होणार आहे. पण ट्रेलर पाहिल्यानंतर एक गोष्ट नक्की या शहरात प्रत्येक जण काहीतरी लपवत आहे… आणि सत्य समोर आलं, तर अनेकांचे चेहरे कायमचे बदलून जाणार आहेत.
महत्त्वाच्या बातम्या
