Netflix OTT Feature: आता सर्चचा त्रास संपला! चित्रपट-सिरीज शोधण्यासाठी Netflixचा भन्नाट जुगाड; पाहून तुम्हीही थक्क व्हाल
Netflix Ott Feature: नेटफ्लिक्स हा जगातील टॉप ओटीटी प्लॅटफॉर्मपैकी एक आहे. प्रेक्षकांचा अनुभव अधिक सोपा आणि आकर्षक करण्यासाठी हे फीचर आणलं जात आहे.
Netflix New Feature: ओटीटीवर आता मनोरंजनाचा अनुभव आणखी रंगतदार होणार आहे. Netflix वर वेब सिरीज आणि चित्रपट शोधण्याचा त्रास आता संपणार आहे. कारण प्लॅटफॉर्म एक नवीन भन्नाट फीचर आणत आहे. आजकाल अनेकांना चित्रपट किंवा सिरीजची माहिती Instagram रील्समधून मिळते. पण आता तसं करावं लागणार नाही. कारण नेटफ्लिक्स स्वतःच असा फीचर आणत आहे, ज्यामुळे दुसऱ्या प्लॅटफॉर्मवर जाण्याची गरज भासणार नाही.
काळानुसार ट्रेंड्स बदलत आहेत आणि त्यासोबत ओटीटी प्लॅटफॉर्म्सही अपडेट होत आहेत. नुकतंच JioHotstar वर ‘तडका’ नावाचं फीचर सुरू करण्यात आलं, ज्यामध्ये प्रेक्षकांना रील्ससारखे 2-2 मिनिटांचे शॉर्ट कंटेंट पाहता येतात. आता नेटफ्लिक्सही असंच एक नवीन फीचर आणत आहे, जे मूव्हीज आणि सिरीज शोधण्याचा पूर्ण त्रासच कमी करणार आहे.
नेटफ्लिक्सवर येणार रील्ससारखे फीड
मिळालेल्या माहितीनुसार, नेटफ्लिक्स आपल्या प्लॅटफॉर्मवर TikTok किंवा रील्ससारखा व्हर्टिकल व्हिडिओ फीड सुरू करणार आहे. टेकक्रंचच्या रिपोर्टनुसार, हे फीचर एप्रिलच्या शेवटी लॉन्च होण्याची शक्यता आहे. सुरुवातीला तो अमेरिकेत उपलब्ध होईल आणि नंतर हळूहळू जगभरात रोलआउट केला जाईल.
काय असतील फायदे?
या व्हर्टिकल व्हिडिओ फीचरमुळे प्रेक्षकांना सर्वात मोठा फायदा म्हणजे आता त्यांना चित्रपट किंवा सिरीज शोधण्यात वेळ वाया घालवावा लागणार नाही. स्क्रोल करताना त्यांना थेट वेगवेगळ्या कंटेंटचे क्लिप्स दिसतील, ज्यामुळे शोध अधिक सोपी आणि मजेशीर होईल. या फीडमध्ये चित्रपटांचे छोटे क्लिप्स, ट्रेलर, टीझर आणि व्हिडिओ पॉडकास्ट दाखवले जातील. जर एखादा व्हिडिओ आवडला, तर त्यावर क्लिक करून थेट त्या मूव्ही किंवा सिरीजवर जाऊन पाहता येईल.
फक्त मोबाईलवर उपलब्ध
नेटफ्लिक्स हा जगातील टॉप ओटीटी प्लॅटफॉर्मपैकी एक आहे. प्रेक्षकांचा अनुभव अधिक सोपा आणि आकर्षक करण्यासाठी हे फीचर आणलं जात आहे. सध्या तरी हा व्हर्टिकल व्हिडिओ फीड फक्त मोबाईल फोनवरच उपलब्ध असणार आहे.
महत्त्वाच्या बातम्या
