Netflix Crime Thriller: नेटफ्लिक्सवर येताच 1 तास 49 मिनिटांच्या क्राईम थ्रिलरचा धुमाकूळ;रिलीज होताच OTTवर कब्जा
1 तास 49 मिनिटांची ही फिल्म सध्या नंबर 1 वर ट्रेंड करत आहे. IMDb वरही या चित्रपटाला चांगला प्रतिसाद मिळाला आहे.
Netflix Crime Thriller: OTT प्लॅटफॉर्मवर दर आठवड्याला अनेक चित्रपट आणि वेबसीरिज रिलीज होत असतात. मात्र, त्यापैकी काहीच प्रोजेक्ट्स प्रेक्षकांच्या मनावर अधिराज्य गाजवतात. अशीच एक दमदार क्राइम ड्रामा फिल्म नुकतीच Netflix वर रिलीज झाली असून, रिलीज होताच तिने ट्रेंडिंग लिस्टवर कब्जा केलाय. 1 तास 49 मिनिटांची ही फिल्म सध्या नंबर 1 वर ट्रेंड करत आहे. IMDb वरही या चित्रपटाला चांगला प्रतिसाद मिळाला आहे. नेमकी कोणती आहे ही फिल्म आणि काय आहे तिची कथा, जाणून घेऊया... (Crime Thriller)
काय आहे चित्रपटाचे कथानक?
ही एक दमदार हिंदी क्राइम-थ्रिलर फिल्म आहे. हरियाणातील ग्रामीण भागाच्या पार्श्वभूमीवर ही कथा उलगडते. व्यवस्थेतील भ्रष्टाचारामुळे त्रस्त झालेला एक प्रामाणिक पोलीस अधिकारी आणि एका पत्रकाराच्या हत्येच्या तपासाभोवती ही कथा फिरते. SHO पवन मलिक याच्यावर पत्रकार रीमा दत्ता हिच्या सुरक्षेची जबाबदारी सोपवण्यात येते. रीमा ही आनंद श्री नावाच्या प्रभावशाली स्थानिक गुरूशी संबंधित बेपत्ता मुलांच्या प्रकरणाचा तपास करत असते. मात्र, एका किशोरवयीन शूटरकडून तिची गोळ्या झाडून हत्या केली जाते. त्यानंतर पवन सत्य बाहेर आणण्याचा निर्धार करतो.
दरम्यान, या तपासासोबतच पवनच्या वैयक्तिक आयुष्यातही मोठी उलथापालथ सुरू असते. त्याचा लहान भाऊ दुसऱ्या जातीतील मुलीसोबत पळून गेल्याने गावात तणाव निर्माण होतो. जातीय संघर्ष, गावातील राजकारण आणि पारंपरिक विचारसरणी असलेल्या वडिलांमुळे निर्माण झालेला तणाव यामुळे पवनचं आयुष्य अधिकच गुंतागुंतीचं बनतं.
कोणती आहे ही फिल्म?
ज्या क्राइम थ्रिलरची चर्चा सुरू आहे, त्या चित्रपटाचं नाव आहे कर्तव्य. या चित्रपटात सैफ अली खान यांनी SHO पवन मलिकची मुख्य भूमिका साकारली आहे. तर रसिका दुगलने पवनच्या पत्नीच्या भूमिकेत दिसते. याशिवाय संजय मिश्रा आणि युधवीर अहलावत यांच्याही महत्त्वाच्या भूमिका आहेत. 'कर्तव्य' हा 2026 मधील हिंदी भाषेतील क्राइम ड्रामा चित्रपट असून, त्याचं लेखन आणि दिग्दर्शन पुलकित यांनी केलं आहे. रेड चीलीज एन्टरटेन्मेन्ट अंतर्गत गौरी खान यांनी या चित्रपटाची निर्मिती केली आहे. 15 मे रोजी हा चित्रपट Netflix वर रिलीज झाला असून, सध्या तो नंबर 1 वर ट्रेंड करत आहे.
महत्त्वाच्या बातम्या
