Nagarjuna : 'मी समंथा आणि नागा चैतन्यबाबत काही बोललोच नाही'; अफवांवर नागार्जुन यांची प्रतिक्रिया, शेअर केली पोस्ट

नागार्जुन (Nagarjuna) यांनी सोशल मीडियावर पोस्ट शेअर केली आहे.

Samantha and Naga Chaitanya : अभिनेत्री समंथा (Samantha) आणि नागा चैतन्य  (Naga Chaitanya) यांनी  गेल्या वर्षी ऑक्टोबर महिन्यात विभक्त होण्याचा निर्णय घेतला. त्यांनी सोशल मीडियावर पोस्ट करून त्यांच्या चाहत्यांना घटस्फोटाबद्दल माहिती दिली. काही दिवसांपूर्वी असं म्हणलं जात होतं की समंथा आणि नागा चैतन्य यांच्या घटस्फोटाबाबत नागार्जुन (Nagarjuna) यांनी त्यांचे मत व्यक्त केले होते. पण ही अफवा असल्याचं नागार्जुन यांनी सांगितलं आहे. नागार्जुन यांनी सोशल मीडियावर पोस्ट शेअर केली आहे.

नागार्जुन यांची पोस्ट
नागार्जुन यांनी ट्विटरवरील पोस्टमध्ये लिहिले, 'सोशल मीडिया समंथा आणि नागा चैतन्य यांच्या नात्याबद्दल मी प्रतिक्रिया दिली आहे, अशी माहिती देण्यात आली. हे अत्यंत चुकीचे आहे. मी मीडियामध्ये काम करणाऱ्या सर्व मित्रांना रिक्वेस्ट करतो की ही अफवा लोकांपर्यंत पोहचवू नका.' त्याच बरोबर त्यांनी पोस्टमध्ये #GiveNewsNotRumours या हॅशटॅगचा देखील वापर केला आहे. 

'सर्वात आधी समंथानं घटस्फोट घेण्याचा निर्णय घेतला. नागा चैतन्यनं तिचा निर्णय स्वीकारला. त्या दोघांना माझी काळजी होती. त्यांना वाटत होते की मी त्यांच्या या निर्णयाबाबत काय मत मांडेल? जेव्हा ते दोघे रिलेशनमध्ये आले तेव्हा सर्वात आधी त्यांच्या नात्याबद्दल मला माहित होते', असं नागार्जुन यांनी एका मुलाखतीमध्ये सांगितलं होतं, असं म्हणलं जात होतं. मात्र ही अफवा आहे असं नागार्जुन यांनी त्यांच्या पोस्टमधून लोकांना सांगितलं आहे. 

इतर महत्त्वाच्या बातम्या :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोड पाहा लाईव्ह - ABP Majha