Raza Murad on Mushtaq Khan: 'जर एखाद्या उद्योगपतींच्या मुलाचे लग्न असते तर..'; मुश्ताक खान यांच्या निधनानंतर प्रसिद्ध अभिनेत्याचा बड्या कलाकारांवर निशाणा
Mushtaq Khan Funeral: मुश्ताक खान यांच्या अंत्यविधीला दिग्गज कलाकारांची अनुपस्थिति. रजा मुराद भडकले.
Mushtaq Khans Funeral Raza Murad: बॉलीवूडचे दिग्गज कलाकार आणि 'वेलकम' फेम मुश्ताक खान (Mushtaq Khan) यांचे निधन झालं आहे. 24 सप्टेंबर रोजी त्याचं निधन झालं असल्याची माहिती समोर आली आहे. तर 25 सप्टेंबर रोजी त्यांची अंत्यविधी पार पडली. त्यांच्या निधनानंतर सिनेसृष्टीतील अनेक कलाकारांनी शोक व्यक्त केलं. अशातच, अभिनेता रजा मुराद (Raza Murad) यांनीही शोक व्यक्त केला आहे. तसेच मुश्ताक खान यांच्या निधनानंतर कोणतीही दिग्गज व्यक्ती त्यांच्या अंत्यविधीला उपस्थित नव्हती. या कारणावरून त्यांनी नाराजी तसेच खंत देखील व्यक्त केली. रजा मुराद नेमकं काय म्हणाले पाहुयात.
मुश्ताक खान यांच्या अंत्यविधील दिग्गज कलाकारांची अनुपस्थिति(Raza Murad Questions Bollywood Celebrities Absence in funeral of Mushtaq Khan)
रजा मुराद यांनी नुकतंच त्यांच्या अधिकृत इंस्टाग्राम अकाउंटवर एक व्हिडीओ शेअर केला आहे. या व्हिडीओमध्ये त्यांनी मुश्ताक खान यांच्या निधनाबद्दल शोक व्यक्त केला आहे. तसेच मुश्ताक खान यांच्या अंत्यविधीला कोणतेही दिग्गज कलाकार उपस्थित नव्हते, याबद्दलही त्यांनी खंत व्यक्त केली. तसेच कलाकारांच्या अनुपस्थितीबद्दल प्रश्नचिन्ह उपस्थित केला आहे.
रजा मुराद यांनी कलाकारांच्या अनुपस्थितीबद्दल नाराजी व्यक्त करत म्हटलं की, दुर्दैवाने, मुश्ताक खान यांच्यावर अंतिम आदरांजली वाहण्यासाठी कोणताही दिग्गच कलाकार आला नाही. मुश्ताक खान यांच्या ओळखीतील अनेक अभिनेते आणि सहकारी आले असले तरी, एकही प्रमुख व्यक्ती आलेला नाही ', असं म्हणत त्यांनी खंत व्यक्त केली.
त्यांनी आपल्या व्हिडीओमध्ये पुढे म्हटले की, ' हा, जर एखाद्या उद्योगपति मुलाचे लग्न असते, तर हे दिग्गज कलाकार फक्त लग्नाला उपस्थित राहिले नसते, तर वेटरप्रमाणे पाहुण्यांची सेवाही केली असती. परंतु, ज्या व्यक्तीने सिनेसृष्टीसाठी आपले पन्नास वर्षे वाहून दिली, त्यांच्या अंत्यविधीला कोणीही उपस्थित राहिले नाही ', असं म्हणत त्यांनी खंत व्यक्त केली. रजा मुराद यांनी कोणत्याही विशिष्ट कलाकारांचे नाव घेतले नाही.
पण सेलिब्रिटींनी मुश्ताक खान यांच्यासाठी 50 मिनिटे काढू शकली नाहीत, याबद्दल दुःख व्यक्त केलं. मुश्ताक खान यांनी आपल्या अभिनयाच्या जोरावर शिखर गाठले असल्याचंही त्यांनी म्हटलं. 25 सप्टेंबर रोजी मुश्ताक खान यांची अंत्यविधी पार पडली. यावेळी अन्नू कपूर, रजत बेदी, जया भट्टाचार्य आणि राजपाल यादव इतर कलाकार उपस्थित होते.
महत्त्वाच्या इतर बातम्या:
महत्त्वाच्या बातम्या
