Jacqueline Fernandez New Song : बॉलिवूड अभिनेत्री जॅकलीन फर्नांडिस (Jacqueline Fernandez) सध्या तिच्या वैयक्तिक आयुष्यामुळे चर्चेचा भाग बनली आहे. तिचे ‘मुड मुड के’ (Mud Mud Ke) हे गाणे देखील चर्चेत होते. बऱ्याच प्रतिक्षेनंतर आता जॅकलीनचे हे गाणे रिलीज करण्यात आले आहे. या गाण्यात जॅकलीनसोबत हॉलिवूड स्टार मिशेल मोरोन (Michele Morrone) झळकला आहे. दोघांच्या या गाण्याने इंटरनेटवर धुमाकूळ घातला आहे. या गाण्याद्वारे मिशेलने बॉलिवूडमध्ये पदार्पण केले आहे. या गाण्यातील जॅकलीन आणि मिशेलची केमिस्ट्री चाहत्यांना नक्कीच आवडणार आहे.


‘मुड मुड के’ हे गाणे टोनी कक्कर (Tony Kakkar) आणि नेहा कक्कर (Neha Kakkar) यांनी गायले आहे. या गाण्यात जॅकलीन तिच्या किलर डान्स मूव्ह्ज दाखवताना दिसत आहे. गाण्यात मिशेल गँगस्टर बनला आहे. तर, जॅकलीन मिशेलला पकडण्यात पोलिसांना मदत करते. या संपूर्ण गाण्यात दोघांच्याही डान्स मूव्ह्सनी सर्वांचेच लक्ष वेधून घेतले आहे.


पाहा गाणे :



जॅकलीनने शेअर केले गाणे


जॅकलीनने तिचे नवीन गाणे सोशल मीडियावर शेअर करून, त्याच्या रिलीजची माहिती दिली आहे. गाणे शेअर करताना कॅप्शनमध्ये तिने लिहिले की, ‘मिशेल मोरोनसोबतचा ‘मुड मुड के’चा अधिकृत व्हिडीओ यूट्यूब चॅनलवर रिलीज करण्यात आला आहे. हा क्रेझी व्हिडीओ नक्की पहा आणि कमेंट विभागात तुमचा आवडता भाग कोणता आहे ते आम्हाला सांगा.’


पाहा पोस्ट :



वर्कफ्रंटबद्दल बोलायचे झाले तर, जॅकलीनकडे चित्रपटांची रांग आहे. तिचे ‘बच्चन पांडे’ आणि ‘अटॅक’ हे चित्रपट पुढील महिन्यात रिलीज होणार आहेत. याशिवाय ती रणवीर सिंगसोबत ‘सर्कस’ आणि अक्षय कुमारसोबत ‘राम सेतू’मध्ये दिसणार आहे. चाहते त्याच्या चित्रपटांची आतुरतेने वाट पाहत आहेत. सैफ अली खान, अर्जुन कपूर आणि यामी गौतमसोबत ‘भूत पोलिस’ या चित्रपटात ती शेवटची दिसली होती. हा चित्रपट ओटीटी प्लॅटफॉर्मवर प्रदर्शित झाला होता.


हेही वाचा :



LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha